Colas l' bracnî (novele)

From Wikipedia
Jump to navigation Jump to search
Mwaisse modêye (1980)
Coviete del deujhinme edicion (2001)

Colas l' bracnî (Colas l'brak'nî), c' est on ptit roman sicrît pa Serge Fontaine e 1980 (tot notant l' accint del Gléjhe) et replaidî e 2001 (avou l' accint d' Lidje) pal l' soce "Li Walone".

Dins l' edicion di 2001, gn a on motlî di 18 pådjes.

Istwere des deus edicions[edit | edit source]

N a yeu on prumî eplaidaedje el gazete l’ « Echo » di Ståvleu, ki l’ ont edité a leu conte, et ki l’ ont vindou å ci k’ endè voleut.

Pu li prezidint del « Walone » di Lidje vina propôzer å scrijheu del replaidî tot l' rashiyant avou l' accint d’ Lidje. Et l' oteur a dit k’ oyi.

Manire di fé do scrijheu[edit | edit source]

Cwand l' live a rexhou, on-z a dmandé å scrijheu « Kimint ass fwait çoula ? »

Serge Fontaine ricnoxhe platezak k' il a stî lu-minme on bracnî.

Dj’ a fwait tote mi veye e bwès. Cwand dj’ av’ cénk munutes et k’ dj’ esteu gamén, mi, hay evoye dins les håyes et les bouxhons. Tot l’ ban di Rwene, dj’ a corou dvins totes les coines. Tos les djoûs al nute, cwand les ovraedjes estént finis, mi, dj’ esteu evoye dins les lizires. Dj’ inméve… dji loukive. [1]

Hårdêye difoûtrinne[edit | edit source]

Sourdants & pî-notes[edit | edit source]

  1. Responda da Serge Fontinne pa Joseph Docquier, Li Rantoele, esté 2009.