Coprin noer d' intche
Li Coprin noer d' intche est on tchampion foirt comon ki vént e spessès bohêyes conte les stoks ou dizeu les parfondès raecenes des åbes ås foyes.
| coprin noer d' intche | ||||||||||||||||
|---|---|---|---|---|---|---|---|---|---|---|---|---|---|---|---|---|
 Coprinus attramentarius | ||||||||||||||||
| Rindjmint sincieus | ||||||||||||||||
|
Discrijhaedje
[candjî | candjî l’ côde wiki]Blankinasse tchapea, 3 a 7 cm lådje, del cogne d' ene dimeye eschåfe d' oû, foirt racafougnî, ki n' si drouve jamwais et fond so lu-minme a pårti di ses lameles e divnant ene noere intche.
Les libès lameles sont vintrowes et fôrmèt cåzu tot l' coir do tchampion. Ele sont blankes, pu brunes e pu divnèt etirmint noeres
Blanc pî (8-15x1-1,5 cm), lon, lisse, creus et a fibes, poirtant on foirt tene anea sovint impossibe a vey. Li bas do pî est ledjirmint rinflé.
Li tchå ki n' est vizibe k' eviè li dzeu do tchapea, n' a pont d' odeur pårticulire mins a ene boune saveur.
I vént dizo tos les åbes a foyes, dins les cortis et so l' boird des voyes del bele a l' arire-såjhon.
Eployaedje
[candjî | candjî l’ côde wiki]Bén k' il åye ene boune saveur c' est on tchampion k' i våt mî di n' nén consomer a cåze des malaizes et troubes foirts displaijhants k' i provoke cwand on l' mougne tot e purdant des bwessons alcolijheyes.
Bibiografeye
[candjî | candjî l’ côde wiki]Tites des lives e francès k' i gn a avou pus di racsegnes so ç' tchampion la:
- Régis Courtecuisse, Bernard Duhem: Guide des champignons de France et d'Europe (Delachaux & Niestlé, 1994-2000).
- Marcel Bon: Champignons de France et d'Europe occidentale (Flammarion, 2004)
- Dr Ewaldt Gerhardt: Guide Vigot des champignons (Vigot, 1999) - ISBN 2-7114-1413-2
- Roger Phillips: Les champignons (Solar, 1981) - ISBN 2-263-00640-0