Cronzoxh

Èn årtike di Wikipedia.

Po des linwincieusès racsegnes sol mot "cronzoxh", alez s' vey sol Wiccionaire

cronzoxh del schene do dos d' ene vatche

on cronzoxh, c' est èn oxhea del schene.

Les biesses k' ont des cronzoxhs si lomnut les cronzoxhîs.

Bobets d' on cronzoxh[candjî | candjî l’ côde wiki]

  • li stitchete dosrece
  • les deus stitchetes diléreces
  • li trô al miyôle (la kel miyôle del schene passe).
  • li coir do cronzoxh
  • li plake etercronzoxh (ki c' est do tinroxh).
  • les trôs etercronzoxh, la k' les niers ki vnèt foû del miyôle, pasnut.

Sôres di cronzoxhs[candjî | candjî l’ côde wiki]

  • les cronzoxhs do cô : end a 7 a totes les biesses ås tetes, al djirafe come al soris.
    • l' atlasse : li ci ki s' adjonteure å cråne, po fé l' hanete. C' est lu ki bodje mo cwand on dit "ayi".
    • l' aessi : le deujhinme, ki sieve po dire "nonna"
  • les cronzoxhs del schene do dos ene longowe sititchete å dos po les biesses ki rotnut so 4 pates. Les djins nd ont 12.
  • les cronzoxhs del schene des rins, avou des lonhuès lådjès stitchetes diléreces po les biesses ki rotnut so 4 pates. Les djins nd ont 5. C' est la k' les plakes etercronzoxhs si spotchnut voltî, et dner del siyatike.
  • les cronzoxhs del schene do bassin, sôdés a n' on l'ôte, kel bassin s' î vént adjonturer.
  • les cronzoxhs del cawe. Po les djins et les oujheas, ci n' est k' des ptitès rawetes metowes å cronjhî.