Crouwå

On crouwå (on dit eto ene nichté, ene måle yebe, on runin, on crouwin), c' est ene plante ki vént dins ene coûteure, et k' on n' vout nén.

Motlî

Å cmince, on dveut råyî les crouwås; c' esteut «discrouwåder».

On djheut pus voltî «crouwåder» cwand on reployive les crouwås po sognî les biesses. Come d' efet, sacwants crouwås come li dråwe polnut dner des bounès waides a magnî come li raigra.

On fwait crever les crouwås avou des towe-crouwås u discrouwådants.

Les minmès plantes, dins ene djouxhire, si vont lomer fleurs des tchamps (do moens, les cene k' ont des belès veyåvès fleurs). Les powetes endè fwaiynut des nozés arimés. Les efants des beas buskets.

Sacwants crouwås

• Dråwes
  • Dråwe des frumints
  • Dråwe des rgons
  • Sôlante dråwe
• Såvadje avoenne
• Pådronne (Rumex spp.)
• Påne
• Såvadje cécoreye
• Pavoe
• Bleu baron

Rissaetchaedje

Les crouwås polnut esse rsaetchîs al mwin. La eto, k' on pout uzer des prodûts, al plaece, minme ki sacwants d' inte di yeusses polnut må pol santé, come li linuron.