Cuzén Bebert (operete)

Cuzén Bebert, c' est ene rilomêye operete da Djôzef Dwizink.

Elle a stî creyeye li 5 di nôvimbe 1911.

I fourit djouwé et rdjouwé mwints et mwints côps dispu don.

Rilomêye

E 1911-1912, li teyåte kiminå walon d' Lidje n' a djouwé k' ça.

Li livret a stî replaidî 14 côps.

L' operete a passé sacwants feyes al tévé.

Elle a stî eredjistrêye so plake vinil pu so cassete, pu so stroete plake.

Boket

Dji so bea ome, et co traze feyes,
On-z a trové k' dj' aveu d' l' esprit.
C' est po çoula k' les djonnès feyes
Rassotixhèt totes après mi.

Dju n' såreu conter les crapådes
Ki m' ont ddja fwait fé des complumints,
Et les pus beles d' après nozôtes
Serént fires di m' tini pa l' mwin.

Resploe 1

N' est i nén vraiy ki dj' a bele air ?
Keur : Siya siya, Cuzén Bebert.
On dit k' dji ravize Sint Lambert.
Keur : Vos l' ravizez bén, Cuzén Bebert.
Dji so l' pus rcwerou del cazere.
Keur : Çoula c' est l' vraiy, Cuzén Bebert.
Et s' n' a-t i nou diåle e l' infier
Tchanteu et keur : ossu vigreus ki l' Cuzén Bebert !

Mins c' est co pé - mel pôrîz vs croere ? -
Dispoy ki dj' so dvins les sôdårds
Et i fåt vey come on m' mostere
Cwand dji m' pormoenne adlé l' Bazår.

I n a tofer la ene ribambele
Di siervantes et d' bobones d' efants,
Disca minme des grandès mamjheles
Ki m' riloukèt tchaeke tot riyant.

Resploe 2

N' est ç' nén la l' prouve ki dj' a bele air ?
Keur : Siya siya, Cuzén Bebert.
On m' a ddja pris po l' Roy Albert
Keur : Vos l' ravizez bén, Cuzén Bebert.
Dji so l' pus rcwerou del cazere.
Keur : Çoula c' est l' vraiy, Cuzén Bebert.
Et s' n' a-t i nou diåle e l' infier
Tchanteu et keur : ossu vigreus ki l' Cuzén Bebert !