Cwareme (viyaedje)
Cwareme (fr: Corswarem, nl: Korsworm) est èn ancyin ptit ban del Walonreye, rebané avou Bierlô.
Disk' e 1963 il a stî raloyî al province do Limbork.
- Limero del posse: 4257 (vî limero 4390)
- Limero diyalectolodjike: W 6.
Li viyaedje di Cwareme a eto dné on no d' famile, inte did zeles li famile Cwareme-Lô, anobleye el Moyinådje.
Po l' etimolodjeye et les vîs scrijhas, riwaitîz dins l' esplicant motî.
Istwere[candjî | candjî l’ côde wiki]
El Moyinådje, signorreye dåzès comtes di Lô, ki passe adon ås prince-evekes di Lidje.
Lingaedjes[candjî | candjî l’ côde wiki]
Les djins cåzént flamind disk' eviè 1770. Eto, les nos des coulots sont cåzu tertos e flamind.
Economeye[candjî | candjî l’ côde wiki]
Viyaedje di cinsîs, mins li gåre di trin, basteye diviè 1880, a leyî dmoré la des ovrîs ki fjhèt l' navete so Brussele u so Lidje.