Davdisse (viyaedje)

Po des linwincieusès racsegnes sol mot "Davdisse", alez s' vey sol Wiccionaire

Davdisse /dav.dis/ (la-minme, Davdisse ; ^[1] (pacô Dåvdisse^[2] (fr) Daverdisse), c' est èn ancyin ptit ban del Walonreye, rebané avou troes ôtes po divni ene intité do minme no.

Mwaissès dnêyes

Limero del posse: 6929 (vî limero 6923)
Limero diyalectolodjike: Ne 10
Eplaeçmint sol Daegn : 50° 00' 55 N - 5° 07'12 E.
Dimanants : 335 (1993)
Sipotaedje des djins : les cozéns (Cozins).

Rilidjon

L' eglijhe date di 1847; elle a stî rfwaite e 1886. Elle est dicåçtêye a Sint Pire.

Gn a la ene foirt bele rîtåve (mwaisse åté, tåve d' åté).

Li viyaedje fijha pårteye del pårotche di Welin disk' e 1803, pu del cene di Rdû, po divni ene tchapele e 1835. Mins adon, li tchapele tineut å tchestea, tot come li çmintire vijhene, ki n' a nén candjî d' plaece.^[3]

Istwere

Davdisse ere ene dilérece do dominne di Welin, diné a l' abeye di Ståvleu pa Carloman l' an 746.

Les prumîs signeurs di Davdisse (1330) estént aparintés ås signeurs di Welin.

Li signeurreye passa al måjhon des Vervoz diviè 1530-1540.

Li viyaedje a bråmint sofri diviè 1635; i dva lodjî et nouri durant 7 moes ene kipagneye di cavalreye, et cwate redjimints do Prince di Lorinne et on redimint da Visconti. Ostant dire k' après ça, i n' dimoréve pus waire åk e viyaedje. Les dmanants ont dvou vinde les droets k' il avint so Moyîmont.

Paraprès, Davdisse passa å mwins da Perpete Jacquemin, Ignace d'Argent, de Gérardin et po fini, ås mwins des Monin-Rendeux.

Li dominne, cwand l' tchestea a yeu stî broûlé e 1829, a stî finålmint vindou. Les bwès alît al comene, les tchamps ås djins do viyaedje. Lu dierin signeur n' aveut sorviké ki 2 moes å sinisse.

Nos d' plaece

Hamteas

Cinse di Moyîmont: C' esteut èn erî-fî d' Mirwå et d' Viyance, avu 475 ectåres di bwès et 45 ect. di tchamps et d' prés. Li Cinse di Mohymont è lodjî, du 1834 à 1848, lu Prince Napolèyon Bonaparte, lu cousin du l' Ampreur Napolèyon III.
Pont d' Fayi: pont so l' Almaxhe, po-z aler a Fayi-el-Fåmene
Trô d' l' Ermite, Pont d' l' Ermite
Pont des Gades
Djimbrea (Djimbrê, F. Gembrai)
li Graevî (lu Grèvî)
les Rives.
Tchitchron

Sourdant

Commons

I gn a so les cmons Wikipedia des imådjes ou fitchîs son a vey avou Davdisse (viyaedje) .

↑ dav'disse TG1 p. 57, Davdisse S117.
↑ cogne k' a dmoré lontins so Wikipedia, dandjreus a cåze do bodje Dåve, riprins sins candjmint d' voyale.
↑ Tandel. Les communes luxembourgeoises, VI b

[1] dav'disse TG1 p. 57, Davdisse S117.

[2] ' a dmoré lontins so Wikipedia, dandjreus a cåze do bodje Dåve, riprins sins candjmint d' voyale.

[3] Tandel. Les communes luxembourgeoises, VI b

[1]

[2]

[3]