Déme

Èn årtike di Wikipedia.
Potchî a: naiviaedje, cweri

Wiktionary-logo.svg

Po des linwincieusès racsegnes sol mot "déme", alez s' vey sol Wiccionaire

Li déme, dins l' monde crustin, c' est ene taeye k' on dveut dner a l' Eglijhe, dizo l' Ancyin Redjime, et ki fjheut sovint li dijhinme des dinrêyes.

Li déme a stî payeye disk’ al fén di l’ Ancyin Redjime (ele ont stî anixhilêyes al Revolucion francesse).

Motlî[candjî | candjî l' côde wiki]

Li ci ki vneut ramasser les démes si loméve li démeu. On djheut eto : li pikeu.

Paymint del déme[candjî | candjî l' côde wiki]

On pleut aveur puzieurès démes dins l’ minme viyaedje. Insi, Ôvîfa diveut redîmer les princes-abés di Ståvleu, ey eto l’ signeur di Rénastinne.

Les payizans divént leyî les dinrêyes dins les tchamps, disk’ a çki l’ démeu vegne prinde li pårt do signeur.

Les djåbes divént esse metowes a dijhea, po-z awè pus åjhey. Li payizan diveut houkî troes côp  : « démeu ! »

Li frawtineu esteut gadjî di cwate côps l’ déme, å prumî côp k’ il esteut prins. Li deujhinme côp, c’ esteut 8 feyes. Li troejhinme côp, il esteut tchessî foû do ban [1].

Rishonnance avou des sistinmes vijhéns[candjî | candjî l' côde wiki]

Ele rishonne foirt al déme des dinrêyes dins li rlidjon muzulmande, mins cisse-cial va direk ås pôves, et ele n' est nén prinjhe di foice.

Sourdants[candjî | candjî l' côde wiki]

  1. E165