Damso

Damso

Idintité
Veur no	William Kalubi Mwamba
Nexhance	- 10 di may 1992 - Kinchassa (Zayire)
Nåcionalité	Beldje

Damso (kécfeye lomé eto, d' es sobricot : Dems), c' est on rappeu bedje del redjon d' Brussele, k' aveut nexhou el Zayire (ancyin Congo-Kinchassa).

Stîle

Dins ses tecses, Damso dvize sovint des sudjets crous. I cåze voltî del harotreye. Il a ossu fwait ene tchanson so l' incesse. La eto k' el cåzaedje da « Julien » pårlêye di pedofileye. Ene ôte cåze voltî d' awè fwait fé on metaedje a fén a ene comere, avou les mwaijhès consecwinces pol conteu.

Dins QALF, Damso dvize, metans d' ès-n' amour po s' fi. Dins « Passion », i ricnoxhe d' ergreter ès zwepaedje årmé.

Discografeye

Alboms

• 2016 : Batterie faible
• 2017 : Ipséité
• 2018 : Lithopédion
• 2020 : QALF (replaidî e 2021, avou des novelès tchansons : QALF Infinity)

Micsetape

• 2014 : Salle d'attente

Herleme

A l' atake, Damso dveut fé l' ime des Rodjes Diåles po l' Cope daegnrece di fotbale di 2018. Li tchanson k' il aveut fwait po ça, c' esteut « Humain » k' a rexhou dins l' albom « Lithopédion ». El rujhe, c' esteut ki Damso makéve les djins avou ses tecses, ki sont sovint rwaitîs tot-z estant seksisse pa des politikîs, inte di yeusses Alexander De Croo eyet Zuhal Demir.