Danse Mareye Doudouye

Danse Marîye Doudouye

Li Danse Mareye Doudouye u danse Marîye Doudouye, c' est ene danse foclorike del Walonreye, aprume e Roman Payis.

Ele si fjheut å bontins, cwand on plantéve les crompires et les naveas.

Cåzaedje del tchanson

Mareye Doudouye, doudouye, doudouye, doudouye, doudouye, doudouye et nonna !
Des blancs naveas po bén rimpli des grands tchenas.
Et nos plantrans nos canadas
Avou Mareye Doudouye (2 côps)
Doudouye, doudouye, doudouye, doudouye, doudouye, doudouye, doudouye et nonna !
Nos prometans s' i vegnnut beas
K' on broûlrè a Mareye Doudouye (2 côps)
Doudouye, doudouye, doudouye, doudouye, doudouye, doudouye, doudouye et nonna !
Troes djéns d' tchandeles et deus d' blanbia ^{(a-z aveuri)}
Li danse Mareye Doudouye, li danse Mareye Doudouye; li danse Mareye, li danse Mareye, danse Mareye Doudouye (2 côps)

On rprind l' tot on deujhinme u on troejhinme côp s' on vout.

Dansaedje

C' est ene ronde danse tchantêye påzès danseus zels-minmes. Tchaeke côp k' on dit «et nonna», les danseus si doeynut rtourner, ôtrumint, i sont wadjîs (i paynut ene aminde).

Istwere

Elle a rtrové del ravicance lanawaire dins les fiesses di viyaedjes come a Côroe-l'-Tchestea.

Rindjmint sincieus

Li danse Mareye Doudouye est rindjeye dins les danses di fertiyisté.

Hårdêyes difoûtrinnes

• Dansaedje pa des efants a Côroe-l'-Tchestea
• Pårticion d' èn air vijhén (danse do cossén)