Des rôzes et des spenes (tecses)

coviete

Des rôzes et des spenes ("Dès rôses èt dès spènes"), c'est ene schorseye di tecses e walon sicrîts pa Jean Wisimus. Li live moussa foû e 1926, eplaidî pa Ågusse Nicolet a Vervî.

L' adrovaedje est scrît pa Jules Feller, èn ôte Vervîtwès.

Divant, gn a èn adviertince, escrîte e walon pa Wisimus, po dire k' i leye les wangnes di s' live ås ancyins combatants:

Mes plankets d' prijhon, les ancyins prijhnîs publikes, m' ont dmandé po vinde mi live å profit d' nos camaerådes divnous malådes ou halcrosses tot moussant foû d' les pates di nos bôreas.

Dj' a trop bén wårdé sovnances di çou ki nos avans sofrou eshonne, ki po rén lzî meskeure.

Et dji sohaite d' aveur fwait d' ene pire deus côps: apoirter del djoye ås cis ki m' l' iront, et apoirter del djoye ås ces ki s' pårtiront l' malkea.

Et li saetchaedje especiå est eto e walon :

Dj' a fwait fé trinte lives come ci-ci so do bea papî d' Olande po les sinker a mes camaerådes. Dji n' lezî a metou nou limeros po n' nén fé des prumîs et des dierins.

Li prumî tecse, c' est, oridjinåldimint, li live ki s' prezinte lu-minme:

Vo m' ci come

Cn plomb foû d' on pistolet,

Agadlé di m' bele nouve mousseure,

Dj' aspite todroet d' mon Nicolet.

Loukîz m' bén so totes les costeures !

L' Ågusse m' a-t i bén ratrossé ?

Dijhoz: ni so dj' nén trop nukete ?

N' alez nén braire po m' ahessî ?

Ridjowez l' et s' båjhiz braijhete.