René Descartes

René Descartes, c' esteut on filozofe francès do 17inme sieke. Il a skepyî li 31 di måss 1596 ey a morou li 11 di fevrî 1650.

Vicåreye

I vna-st å monde dins l' payis d' Tour, el France. I mourrè dins l' palå do rwè d' Suwede. Paski, dismetant, il aveut divnou cnoxhou lon et lådje.

Si mwaisse atuze filozofike, c' est d' fé passer li råjhonmint divant les dijhêyes des rlidjons. Did la si dijhêye : Je pense, donc je suis (dji tuze, c' est l' prouve ki dj' egzistêye).

Il a scrît ses tuzaedjes aprume divins on live "Le discours de la méthode" (li manire di fé), eplaidî e 1637).

Il a stî shuvou di shijh lives lomés Méditations métaphysiques (tuzaedjes filozofikes).

Baruch Spinoza a rtuzé les rlidjons avou sacwantes des idêyes da Descartes.

Ratournaedjes e walon

Sacwants d' ses scrîts ont stî rmetous e walon a môde di binde d' imådjes pa José Schoovaerts.

• 
  Ene paedje dèl "Manîre di fé" è walon
• 
  Prumêre paedje do "4ime Tûzaedje"

Hårdêye difoûtrinne

• Sacwantès idêyes da Descartes rimetowes e walon (a môde di binde d' imådjes, pa José Schoovaerts)