Deujhinme sidje di Wîne pås Otomans

Èn årtike di Wikipedia.
Loukîz a : «Paskeye sol sidje et l' dissidjmint d' Wîne»

Li deujhinme sidje di Wîne pås Otomans a cmincî li 12 di djulete 1683 et esse tot fwait på petaedje-evoye des Trouks li 12 di setimbe 1683.

Jan Sobieski å sidje di Wîne.

Les Hongrwès d' Transilvaneye s' avént revinté siconte di l' Impreur d' Otriche et s' batént avou les Trouks. A pårt ces noveas aloyîs la, les sôdårds di l' Impreur des Trouks vinént d' Etiopeye (purade li Soudan d' ouy), d' Edjipe, di Mezopotameye.

Emey les grands mwaisses di l' årmêye turke, gn aveut

  • li Bassa d' Alegzandreye.
  • li Bassa d' Waradinne (Oran, e l' Aldjereye d' asteure).
  • li calife di Bagdet
  • li Beyerbeyî (bey des beys, govierneu des govierneus)
  • li grand Vizir ki n' ariva k' al fén, sol kimince do moes d' setimbe

Divant d' ariver a Wîne, les Trouks avént remolou tote li Hongreye, copurade les viyaedjes walons k' estént a Nonne do Danube.

Di l' ôte des costés, emey les aloyîs di l' Impreur d' Otriche, gn aveut li Duk des Lorins; et li Rwè d' Pologne k' ariva al rischape li 12 di setimbe.

Po rinde do coraedje ås esserés, li moenne Capucin Mår d' Aviano, di Vnijhe, n' a nén låtchî do priyî.

Li rwè d' Pologne ratourna les Trouks et fourit li grand ovreu pol victwere. Si årmêye esteut cmandêye på djenerå Sobieski.

Li sidje di Wîne a stî raconté å djoû l' djoû pa on Walon k' î esteut, et k' end a fwait ene paskeye.

Commons
Commons
I gn a so les cmons Wikipedia des imådjes ou fitchîs son a vey avou l' deujhinme sidje di Wîne pås Otomans .