Djoupeye

Pol discramiaedje des årtikes avou l' mot « Djoupeye », loukîz cial.

Djoupeye, pus spepieuzmint Djoupeye-so-Mouze (fr: Jupille-sur-Meuse), c' est èn ancyin ptit ban del Walonreye, rebané avou Lidje, e l' province do minme no.

eglijhe

Mwaissès dnêyes

• Limeros del posse :
  • asteure : 4020
  • davance : 4500
• Limero diyalectolodjike : L 66
• Arondixhmint: Lidje
• Sitindêye: 661 ectåres.

No di des plaeces di Djoupeye

Corons

• e Drwexhe, so Drwexhe
• Les Brouwires
• e Tchafnea (Tchafnê, fr. Chafnay)
• e Flande (fr. Flandre)

Ôtès plaeces

• A vey avou des tchamps, des prés et des sårts:
  • Les prés d' Drwexhe, Pré do toelî
• A vey avou des åbes et des bwès :
  • e Fayin-Bwès (fr. Fayembois)
  • taeyisse li Bragåd
• A vey avou des ôtès plantes et des biesses :
  • Les Brouwires (ås brouwîres, fr. Les Bruyères)
  • so Djîle-cok (fr. Gît-le-Coq)
  • a Hoûle-leu (fr. Houlleux)
  • ås Houlpeas (Houlpês, fr. Houlpays)
  • so les vegnes (fr. aux Vignes)
  • Voye del Taesnire (Tèsnîre)
  • e Vignoûle (fr. Vignoul)
• A vey avou des dmorances et l' ovraedje des djins.
  • Divins les coûs (divins les coûrs)
  • å covint (fr. Couvent)
  • ås Beguenes
  • ås Pietresses (fr. Piétresses)
  • å Britchet-Molén
  • ås Cabayes (cwate bayes)
  • Drî l' veye (fr. Derrière la ville)
  • sol Terisse (terisse, 1651; terist, 1624)
  • e Vijhnåve (è vinåve), Grand Vijhnåve, Vijhnåve des mitchots.
• A vey avou des aiwes :
  • å bî
  • li laetche des Tchåtroûs (lètche)
  • rowe di Mouze
  • Pont Tetene.
• A vey avou les tienes et les vås :
  • Divins les fonds (fr. Fonds)
  • sol Tiernea (tièrnê; tiernea, 1404)
  • El Mwaiye (E l' Mè)
• Les voyes et les rowes
  • rowe di Mouze
  • rouwale des Djwifs
  • Al Tchåssêye (fr. Chaussée)
  • Voye del Taesnire (Tèsnîre)
  • Voye des Cabayes
• Ôtès sacwès et målåjhminces :
  • li cinse del Wadje (fr. la Wache)

Istwere

Li dominne royå d' Djoupeye a stî dné e 1008 pa l' impreur Hinri II a l' eveke di Verdun. Li 26 di djun 1266, Robiet, eveke di Verdun, cede li dominne di Djoupeye et ses depindinces al catedråle di Lidje: «li Bovreye di Djoupeye et ses dipindinces saveur Beafayi, Breu et Belaire a råjhon di 100 marks di rinte». Li 6 di måss 1278, li tchapite di Sint-Lambiet cede li Bovreye et les bwès di Breu eyet Belaire å prince-eveke Djan d' Inguî.

Economeye

Mårtchî d' gros a Djoupeye

• Bressenes Djoupiyire
• Mårtchî d' gros

Tuzance walone

• Sicrijheu et rcwereu sol walon: Jean Lejeune di Djoupeye
• Sicoles di walon del soce Nosse Lingaedje