Dujhance sociåle

Ene dujhance sociåle ou uzance ou acostumance ou tradicion, c' est ene sacwè ki s' pratike naturelmint dins ene metowe societé, et k' tertos admete sins rnicter, et sins s' dimander pocwè.

Les dujhances sociåles fwaiynut pårteye del tuzance (culteure) d' on metou payis.

Les dujhances sociåles polèt divni on sourdant po les lwès di ç' payis la. C' est l' droet dujhançresse.

Ele sont pacô foirt målåjheyes a discovri et a comprinde po onk (ene) k' est etrindjir a cisse societé la. Dabôrd k' elle sont adoptêyes otomaticmint des cis et cenes k' ont stî aclevêye e ç' payis la.

Les cis ki vont voleur candjî sacwants dujhances sociåles seront lomer "avanciveus" (kécfeye minme "revinteus"). Zels lomront les ôtes "wårdiveus".