Eldorado (fime sol Walonreye)

Èn årtike di Wikipedia.

Eldorado, c' est on fime todi-sol-voye åd triviè del Walonreye. Li Walonreye î est croxheye come on payis foû mzeure mins pår drole eyet sbarant.

Li produjheu, c' est Bouli Lanners. I djowe si role avou Fabrice Adde, li djonnea hapeu.

Po fé s' fime, Lanners a rôbalé des anêyes å long so totes les voyes del Walonreye po trover totes des ptitès coines k’ on s’ î croereut ås Estats Unis.

Li fime a stî mostré al fiesse do cinema di Cannes, et rçuve troes bistokes : li pris « Europa Cinémas », li pris « Regard jeunes » (Riwaita dås Djonnes) eyet l’ ci del « Federåcion eternåcionåle del critike ».

Rascourti[candjî | candjî l’ côde wiki]

Ivan, on vindeu d’ otos, cwarante ans et sôte-ås-biyokes, tchait sol Eleye, on djonnea k’ a vnou po haper dins s’ måjhon. Mins nerén, i n’ lyi mete nén l' mwin a s’ djaive. Lon d’ la près : i lyi prind ene drole di tinrûlisté por l’ djonne here. Si acceptêye-t i del remoenner amon ses parints å volant di s' viye Chevrolet.

C’ est adon ki l’ drole di voyaedje atake.[1]

Hårdêye difoûtrinne[candjî | candjî l’ côde wiki]

Prezintaedje do fime et bokets a vey

Sourdants & pî-notes[candjî | candjî l’ côde wiki]

  1. J. Cayron, Li Rantoele l° 48, ivier 2008-2009.