Djåzrene

Emberiza citrinella

Pol discramiaedje des årtikes avou l' mot « Djåzrene », loukîz cial.

Li djåzrene, c' est on djaene moxhon foirt corant dins les bouxhnisses et les paxhis.

Sincieus no d' l' indje : Emberiza citrinella

Discrijhaedje

Li måye di djåzrene a ene djaene tiesse, avou des brunès royes. Li djaene ridischind sol gavêye.

Li croupion est clair bron.

Les plomes di viernaedje sont blankes.

Li frumele et les djonnes n' ont nén tant des coleurs et sont pus roylés.

• 
  måye
• 
• 
  djonne

Vicaedje

Spårdaedje

Li djåzrene si rescontere purade la k' i gn a des åbes et des bouxhons nén trop spès: djårdéns d' plaijhance, orire des bwès, clairisses.

E l' ivier, on l' voet eto dins les tcherwaedjes et les semaedjes do waeyén-tins.

C' est on dmorant e l' Walonreye et dins ene grande pårteye di l' Urope. I n' est iviernant, sins î acover, k' ezès payis del Mîtrinne Mer (Espagne, Itåleye, Grece, Tourkeye) ey e l' Mîtrinne Azeye).

Foû do poirtaedje å ni et l' acovåjhe, on l' pout rescontrer pa volêyes, maxhîs a des ôtes moxhons.

Ele pepeye al tere (come les pénsons) et nén dins les batchs ås grinnes (come les mazindjes).

Ele mousse co voltî e l' aiwe po s' î bagnî.

• 
  a djok so on bouxhon (bouxhnisse nén trop spès)
• 
  so des djniesses
• 
  bagnant e-n ene basse
• 
  pepiant al tere, al relêye