Eplaidreyes Dricot
Quéquès mots so nosse mohone d’édicion ...
Lès-édicions DRICOT [1] ont leû djîse sol Plèce dèl Rèzistince a Brèssou – Lîdje-Bèljique.
Cisse mohone a vrêymint vèyou l’ djoû è 1974, adon qui Marcèl DRICOT èt on scriyeû lîdjwès, bin k’nohou po-z-aveûr sicrît dès « Mononke Désiré », Paul BIRON, s’avît rèscontré. Avou lu, Marcèl DRICOT candje si manîre di fé èt i dim’na èditeûr.
Po l' moumint lès sérîyes dès " Mononke " rèsconteure todi bécôp dè sucsès (+ di 100.000 lîves) , adon qu' noûf tites ont d'dja moussî foû di l'imprîm'rèye dispôy 1974, la qu'èlle a stu mètowe so pîd. Mins Marcèl DRICOT ni s'a nin lèyî aler seûlemint avou dès Mononkes èt dispôy , bin dès lîves di scriyeûs lîdjwès ont vèyou l' djoû po-z-ariver è 1999, a cåzî 230 ovrèdjes. Ci n'èst nin co si må po in-èditeûr réjionål. Il fåt bin dîre, qu'oûy Marcèl DRICOT è-st-in-èditeûr di romans fwèrt impôrtant èl réjion walone.
C'èst si prôpe imprîm'rèye qui fêt lès lîves dès-èdiciyons DRICOT
C'è-st-avou tos vos-ècorèdjemints èt vos critiques qui nos-ovrans todi mî. Dèdja DRICOT èst passé mêsse po vinde lès lîves francofones è nosse payîs avou on fameûs côp di spale dès feûs d' rîmês èt dè romancîs, qu'on fiyate divins lu. Mutwèt qui d' mons pô d' timps ci sèrè vos-ôtes , binamés scriyeûs dè payîs Po tos lès cis qu'inmèt nosse bê lingadje walon, nos-avans-st-ine novèle colècsion " en wallon liégeois "...
Quéquès mots so noste imprîm’rèye…
L’imprîm’rèye DRICOT dimane plèce dèl Rèzistince, 12, a Brèssou – Lîdje – Bèljique. Elle a stu mètowe so pîd è 1913, pa l’ grand-pére d’a Marcèl Dricot, li ci qu’ènnè co asteûre li dirècteûr.
Dispôy 1974 l’imprîmrèye è div’nowe li spécialisse po fé d’adram lès bês lîves d’ås-Editions DRICOT èt ossi po dès-ôtès mohones.
Dispôy bin longtimps èlle a l’ dreût di fé lès souches TVA po bécôps dès candes qui t’nèt dès rèstôrants, dès-ôtéls, dès tineûs di nètèye di vwètûres a Lîdje, a Brusséle, Nameur, Brûjes...