Eritaedje

Èn årtike di Wikipedia.
Potchî a: naiviaedje, cweri

Wiktionary-logo.svg

Po des linwincieusès racsegnes sol mot "eritaedje", alez s' vey sol Wiccionaire

Pol discramiaedje des årtikes avou l' mot "Eritaedje", loukîz cial

L' eritaedje ou eritance, c' est tos les béns (mins eto les desses) k' ene djin rçût d' on parint ki vént d' mori.

L' eritaedje shût les lwès do payis del djin k' a morou. Mins li djin k' a morou a polou fé on testamint po candjî ene miete ci pårtixhaedje lweyå la.

Disrôlmint d' l' eritaedje[candjî | candjî l' côde wiki]

El Beldjike, l' eritance est manaedjeye pa on notåre.

Les eritîs[candjî | candjî l' côde wiki]

Les eritîs sont l' pus sovint les efants, pu après, les parints, did près pu did lon.

S' i gn a pont d' parints et pont d' testamint, c' est l' estat k' erite.

Droets d' succession[candjî | candjî l' côde wiki]

El Beldjike, les eritîs doevnut payî ene taeye a l' estat po poleur aveur l' eritaedje. Pus ki l' parintêye est lon, pus ki les droets d' succession sont tchirs (disk' a 80 åcint po les nén-parints, tchoezis pa testamint).

Candjmints do pårtixhaedje pa testamint[candjî | candjî l' côde wiki]

S' i gn a des efants, li testamint ni s' pout fé ki pol foû-pårt (pårt nén oblidjeye), k' est come ene pårt d' efant.

Droet ki s' aplike a l' eritaedje et dmorance[candjî | candjî l' côde wiki]

Dins tote l' Union Uropeyinne, et po les eritaedjes drovou après l' 17 d' awousse 2015, c' est li lwè do payis ki l' ci (cene) k' on erite î dmoréve å moumint di s' moirt (reglumint uropeyin do 4 di djulete 2012). Mins ene djin ki dmane foû payis pout tchoezi li lwè di s' payis d' provnance po regler tote si eritance.

Mins nén pus, ci reglumint la ni toutche ki les rîles di pårtixhaedje, nén les taeyes, et ça s' pôreut bén k' i gn åye on dobe tacsaedje dins des cas k' i gn a.

Ôtes sôres di droet d' eritaedje[candjî | candjî l' côde wiki]

Dins les payis muzulmans, l' eritance est reglêye pa l' Alcoran.

Ene des rîles, mintnowe disk' å djoû d' ouy dins cåzu tos ces payis la, c' est ki l' pårt del feye n' est ki l' mitan del pårt do fi.