Fåbite al noere tiesse

Èn årtike di Wikipedia.
Aller à la navigation Aller à la recherche

Wiktprintable without text.svg

Po des linwincieusès racsegnes sol mot "fåbite al noere tiesse", alez s' vey sol Wiccionaire

måye, xhuflant, catchî dins on bouxhon
frumele, al brune calote

Li fåbite al noere tiesse u noere fåbite[1] u franke fåbite[2] u cocsante fåbite (les oujhleus el lomèt pus courtinnmint li cocsante u l' noere-tiesse)[3], c' est ene fåbite k' acove e l' Walonreye, et ki tchante foirt bén.

Sincieus no d' l' indje : Sylvia atricapilla

Discrijhaedje[candjî | candjî l’ côde wiki]

Si noere calote li fwait ricnoxhe åjheymint, mins gn a ki l' måye k' end a ene sifwaite. Li frumele, leye, c' est ene brune.

Vicaedje[candjî | candjî l’ côde wiki]

mape (2018) ki mostere bén l' aire di dmorance tote l' anêye (vete foncêye) el Flande ey e l' Hesbaye, mins li cwitaedje di l' ivier po l' Årdene

Elle arive e l' Årdene (et dins tote l' Urope bijhrece, mitrinne et levantrece) e moes d' avri et-z eraler e moes d' octôbe.[4]

Dins l' restant del Beldjike, e l' France et dins les payis del Mîtrinne Mer, ele dimeure tote l' anêye. Mins, avou l' reschandixhaedje del Daegne, si aire di dmorance a rmonté a Bijhe.[5]

Les voyaedjeuses d' Urope vont ivierner e l' Afrike ey e Mîtrin Levant.

Elle vike dins les bwès avou des bouxhons, et pår dins les parks des veyes.

Ele magne des petches.

Ele xhufele cwand elle est adjokêye mins dins ene plaece k' on n' voet nén.[6]

C' est l' meyeu oujhea xhufleu del Walonreye, après l' råskignoû.[7]

Dins les belès-letes e walon[candjî | candjî l’ côde wiki]

Colas Dofrexhoe cåze di s' doûs tchant dins s' rilomêye tchanson «Leyîz m' plorer»:

Måy nole fåbite n’ a fwait oyî come leye
On tchant si doûs
Leyîz m’ plorer, tote mi veye est gåtêye
Dji l’ a pierdou; awè, dji l’ a pierdou.

Sourdants[candjî | candjî l’ côde wiki]

Commons
I gn a so les cmons Wikipedia des imådjes ou fitchîs son a vey avou les fåbites ås noerès tiesses .
  1. ALW 8 p. 180.
  2. «franke», paski c' est l' cene k' on ricnoxhe li mî.
  3. fâbitte coqsante, G8 p. 98.
  4. G8, come ådzeu.
  5. Si on rmete li mape di 2018 a l' cene di 1970 do live Elsevier (B. Bruun & A. Singer, Tous les oiseaux d' Europe, Elsevier, Brussele, 1973, p. 234).
  6. B. Bruun & A. Singer, come cial ådzeu.
  7. sorlon G8, come cial ådzeu.