Souke

li souke, c' est on produt foirt doûs, saetchî foû des betråles u des canassoukes, lomé tchimicmint li sacarôze.

Sôres di souke

blanc souke: il a stî rapuré deus côps.
- souke a bokets: souke vindou dins des pakets, a cwårés bokets.
- fén souke: souke come del poure, vindou dins des saetchots.
- souke vanilé: fén souke come del farene, po mete so les wåfes,
rodje souke: i n' a stî rapuré k' on côp.
- rodje souke u: cou d' souke, u souke candi: souke a piretes, k' on suce.
- souke di pot: sôre di brun souke e poure, k' on pout mete so s' pwin.

Istwere do souke

Les Croejhés da Godfrwè d' Bouyon (bråmint des Walons, mins eto des Flaminds, des Lorins et des Toulouzins) ont stî les prumîs Uropeyins a sayî do souke, cwand il avît å Liban d' asteure, e 1099. On-z î ahivéve dedja del canasouke.

Les soucreyes a vey avou l' Walonreye

Li soucreye di Djnape, ki djouwe avou les betråles do Roman Payis, et do Coûtchant del Hesbaye.
Li soucreye di Tîlmont, ki djouwe avou les betråles d' on grand boket del Hesbaye.