Faw
On faw[1] u ene faw[2] (on dit eto: ene få , on fawea, on fawî, on faynî, ene hesse), c' est èn åbe ki crexhe dins les bwès del Walonreye et ôte pårt e l' Urope.
Sincieus no d' l' indje : : Fagus sylvatica
Les mots "faw", "hesse" et leus parints si rtrouvnut sovint dins les nos d' plaeces del Walonreye.
Motlî
[candjî | candjî l’ côde wiki]Ene pitite hesse si lome ene hestrale ou ene fawele, u on hestrea ou on fawea.
Discrijhaedje
[candjî | candjî l’ côde wiki]I pout monter 30-40 metes hôt, avou sovint ene bele tronce bén droete, ki sieve al munujhreye po fé sovint des meubes, des montêyes, des tcheyires, des tchames di rowes, des biyots d' botchî.
Il a ene prôpe et doûce pelote.
Il a des grinnes a troes costés, k' on lome des fayenes, come li boûkete. On-z è tiréve di l' ôle po s' loumer.
Avou l' houpî, on fwait do bon bwès d' tchåfaedje.
Les fawenes vicrént voltî so les faws.
-
candjmint d' coleur des foyes di faw e waeyén-tins -
Rodje faw e l' erî-såjhon -
hesse aflaxheye / schinetes / stok / coxhlaedje -
djama so ene fawele
Fayis
[candjî | candjî l’ côde wiki]
Loukîz a : Fayi (bwès)
On fayi, c' est on bwès d' faws.
Ecolodjicmint, on fayi, c' est on bwès avou waire di sôres di plantes, årvier des taeyes.
Sôres di hesses
[candjî | candjî l’ côde wiki]El France, do costé d' Rénse (Reims), on trouve çou k' on lome li få d' Verzi, e francès Faux de Verzy.
