Falacha d' Israyel

Sicrijhaedje "Apartheid" d' on Falacha po critiker li cdujhance des ôtes Israyelîs eneviè les Djwifs etiopyins (2012)

On Falacha d' Israyel, c' est on djwif etiopyin k' a-st abagué e-n Israyel dispu les anêyes 1970 et disk' å djoû d' ouy.

Tantea k' i n' dimeure cåzu pupont d' Falachas e l' Etiopeye minme.

Rujhes des Falachas po s' mete avå les djins e-n Israyel

Sinagogue dås Falachas

E-n Israyel, les Falachas n' ont pont d' droets.

Leu nåcion est rconoxhowe come des vraiys Djwifs, mins nén vormint leu rite rilidjeus.

I n' ont nén l' droet d' awè des timpes (masguides), et leus curés n' ont nén l' droet d' maryî, ni d' fé ofrande nerén.

Les rabins overnut bråmint po fé des sinagogues di noers, avou des noers rabins, po fé tourner les Falachas a Djwifs rabinisses (do Talmude).

E 2012, gn a yeu des metingues po rclamer disconte do raecisse del societé israyelresse eneviè les Falachas.

Mestîs

Tchanteuse falacha

End a mo ki s' egadjèt dins l' årmêye, valets et båsheles.

A-st avou des rlomés tchanteus (rilomêyès tchanteuses).

• 
  Sôdår falacha
• 
  On sôdår falacha å meur des dislamintaedjes
• 
  Studiants et studiantes falachas al sicole militaire
• 
  Prumire oficiresse falachate

Dins les Belès letes e walon

Dins les Belès letes e walon, ci sudjet la est espliké dins l' roman Gabriyel eyet Gabriyel. Onk des persounaedjes, Adina, c' est ene Falachate, k' a rebagué el Beldjike, nén binåjhe di s' vicåreye e-n Israyel. Elle a spozé on djwif roumin, mins si curé Falacha n' a nén yeu l' droet d' elzès maryî låvå.