Famile des lingaedjes sino-tibetins

Èn årtike di Wikipedia.
E rodje: plaeces k' on-z î dvize des lingaedjes sino-tibetins

Li famile des lingaedjes sino-tibetins rashonne, pol moens, les lingaedjes chinwès, tibetins eyet birmans, çou ki fwait a pô près 250 lingaedjes. Po çou k' est do nombe di cåzeus, c' est l' deujhinme famile di lingaedjes del daegn, après les lingaedjes indo-uropeyins.

Loyéns inte les lingaedjes sino-tibetins[candjî | candjî l’ côde wiki]

Mins nerén, li loyén etur les lingaedjes di cisse famile la n' est nén ossi acertiné ki, metans, li ci ki rashonne les lingaedjes indo-uropeyins. C' est pus målåjhey do rmete les lingaedjes sino-tibetins a onk l' ôte paski c' est sovint tos lingaedjes ki n' ont waire di morfolodjeye (å rvier des lingaedjes indo-uropeyins) et ki c' est mwints côps li morfolodjeye ki sieve a rmete des lingaedjes po vey s' i sont da ene minme famile.

Avou ça ki : li chinwès eyet l' tibetin sont scrîts dispû lonmint, mins nén les ôtes lingaedjes del famile.