Crustinnisse

Li crustinnisse ou rlidjon crustinne, c' est ene des troes grandès rlidjons monoteyisses avou l' Islam eyet l' djudayisse.

C' est l' cene k' a l' pus di creyants, åk come on miyård et dmey.

Mwaissès dnêyes

C' est ene rilidjon båzêye sol doctrine, les ricmandåcions et les idêyes sipårdowes pa Djezus d' Nazarete, ki ses shuveus d' Antiyotche lomît «Crisse» (did la l' alomåcion: crustin).

Foû des cminåltés djwives del Palestene (ki djåzént ebreu), elle a stî spårdowe pa sint På, ki djåzéve grek.

Ele si va diswalper dins l' Impire romin et fini pa divni li rlidjon oficire di l' Impire, adon eployî l' latén come lingaedje del liturdjeye.

Li rlidjon crustinne est fwaite d' atuzes teyolodjikes come li cene del Trinité, et des pratikes rilidjeuses, come les ofices rilidjeus.