Fiesse des Rwès

Wastea des Rwès (Walonreye, 2022)

Li fiesse des Rwès, u li djoû des rwès ou tot bounmint, les Rwès, c' est ene fiesse catolike ki rmimbere l' arivêye des Rwès mådjes al creche.

C' est l' 6 di djanvî.

E l' rilidjon

E l' Beldjike, li fiestixhaedje rilidjeus ni s' fwait nén l' 6 di djanvî, si c' est èn ovråve djoû. Adon, li messe del fiesse des rwès si fwait li deujhinme dimegne après Noyé.

Mins gn a des payis la ki l' 6 di djanvî, c' est on fiesse-djoû come, boutans: l' Espagne, li Suwede eyet l' Pologne.

Fiestixhaedje

On fwait on wastea, avou ene feve (nén cûte) å mitan. On preye les parints al shijhe. Li ci k' atrape li feve dins s' boket d' wastea est lomé li Rwè. On fwait on ban por lu. Por leye si c' est ene kimere, ki dvént l' royinne. Li rwè si tchoezit ene rinne, u l' royinne on roy.

Dins les belès-letes e walon

Rodolphe Dedoyart endè djåze insi:

Ciste anêye ci, po les Rwès, ça a stî kéctchôze ! On av fwait deus cougnous. Les cis d’ Råmont avént dschindou. Li tchambe esteut plinne. Et kimint çki ça s’ a fwait ? C’ est l’ minme k’ a toumé so les deus feves. (…) On-z a dmoré disca bén tård. Ene eure å matén. C’ esteut cåzu ene rinchinchete.