Aller au contenu

Fiesse nåcionåle del Beldjike

Èn årtike di Wikipedia.

Li fiesse nåcionåle del Beldjike, c' est tos ls ans, li 21 di djulete. El date ni candje djamåy d' anêye e-n anêye.

Pondeure k' erprezinte Yopôl I d' Beldjike.

Istwere[candjî | candjî l’ côde wiki]

Li 21 di djulete 1831, Yopôl I d' Beldjike ava prometou siermint po divni rwè del Beldjike.[1]

Il årè kécfeye falou rastinde l' an 1890 po k' li 21 di djulete soeye erconoxhou tot-z estant li djoû del fiesse nåcionåle.[2] Padvant çoula, c' esteut li 27 di setimbe, mins Yopôl II d' Beldjike a decidé ôtrumint.[3]

E 2013, a ci date la, li rwè d' asteure, Flipe di Beldjike a rcandjî s' pa, Albert II d' Beldjike.[4] Tolminme k' ès-n' abdicåcion aveut stî anonceye li 3 di djulete 2013.[5]

Bistocaedje[candjî | candjî l’ côde wiki]

Rweyåme[candjî | candjî l’ côde wiki]

Djenerålmint, onk (ubén kékes) djoûs dvant l' fiesse nåcionåle, li rwè diboke on layusse.[6][7] El fiesse nåcionåle, c' est l' ene des deus djournêyes di l' anêye, avou l' fiesse do rwè (15 di nôvimbe), wice k' on fwait on « Te Deum ». C' est on préjhaedje k' on fwait voltî å Bon Diu (bondiusté crustinne), dins les troes redjons del Beldjike.[8]

Fiesse[candjî | candjî l’ côde wiki]

Tot dvizant des activités do bistocaedje, li prumî grand etrevén, c' est l' Bal nåcionå.[9] Å livea federå, li 21 di djulete, c' est ene djournêye di condjî.[2] Bråmint des activités sont metowes so pî come el convoye militaire.[10] Å swer, gn a on feu d' årtifice.[9]

Referinces eyet sourdants[candjî | candjî l’ côde wiki]

Commons
Commons
I gn a so les cmons Wikipedia des imådjes ou fitchîs son a vey avou Fiesse nåcionåle del Beldjike .