Frinne

Pol discramiaedje des årtikes avou l' mot « Frinne », loukîz cial.

ombion

Li frinne (coinreçmint frane, frågne…), c' est èn åbe avou des foyes ås foyetes, metowes vizon vizu, et on tinre bwès ki broûle må.

Tot crexhou, il est 30 metes hôt.

No do djinre e sincieus latén : Fraxinus

Mins gn a des  ôtes sôres di frinnes.

Discrijhaedje

Li schoice est vete, bén lisse est foirt fråjhûle, l' åbe estant djonne. Pus tård, ele si crevåde, et prinde ene brune coleur.

• 
  fonnet suçant del seuve d' on djonne frinne coixhî
• 
  viye schoice

Ses gros noers botons, triyinglés sont todi metous vizon vizu, çou ki dene des foyes et des coxhes todi vizuviznêyes.

• 
  foyes metowes vizon vizu
• 
  coxhes metowes vizon vizu

Les grinnes sont des plats setchs fruts, stitchîs dins ene longue aiyete. Ces aiyeyès grinnes la sont agritcheyes a troke après l' åbe, et î dmorer pindowes.

• 
• 

Uzaedjes

Bon po fé des mantches d' usteye.

Come bwès d' tchåfaedje, il est målåjhey a finde, ey schetler åjheymint.

I ploye bén, ey adon pout esse bén ahessåve po fé des airs ås fritches

• 
  bwès ki s' find må
• 
• 

I broûle vert. Did la, li creyance: «L' ônele dit k' el frinne a vindou s'-n åme po broûler vete »

Come yebe ås maladeyes, on fwait do té d' ses foyes po les roumatikes.