Fritche

Pol discramiaedje des årtikes avou l' mot « Fritche », loukîz cial.

fritches di restorant abeye-abeye

Cahote di fritches avou ene såcisse

Des fritches ou frites, c' est des ptits bastons d' crompires cûts dins del cråxhe ou dins d' l' ôle.

C' est èn amagnî foirt rilomé el Walonreye. Mins eto ôte pårt el Beldjike, ezès Bas-Payis ey e Bijhe del France (did la, li lomaedje e-n inglès «French frites».

Fijhaedje des fritches

On les pout fé biesmint dins ene paile. Mins sovint on-z a des tchôdurteas esprès avou sôre di poujhete a lådjès måyes, lomêyes friteure.

Dispu les anêyes 1960, gn a eto des friteures electrikes.

El Beldjike, on cût pus voltî les fritches dins do shî. Ôte pårt, on cût eto a l' ôle. Mins l' gosse est diferin.

Siervaedje des fritches

Barake å fritches a Overich

Ezès friteures (barakes ås fritches), elle estént siervowes dins des cahotes. Pu, dins des ptits batcheas e papî, pu e plastike.

Mins on les sieve eto avou l' mwaisse plat dins les restorants ou e s' måjhone.