Province del Frize

(wa) Province del Frize
Provinsje Fryslân
(nl) Provincie Friesland

(Detays) (Detays)
Eplaeçmint del province e Neyerlande
Lingaedje oficir	Frizon Neyerlandès
Lingaedje coinrece	Drents - Stellingwerfs Wess-frizon
No des dimorants	?
Gouverneu	Arno Brok
Eplaeçmint	- Neyerlande
Sitindêye	5 753 km²
Peuplåcion (2023)	+/- 660 000 dimorants
Dinsité	115 dimorants/km²
Coisse d' eure	ECG (ECG+1) / CEST (UTC+2)
Preficse telefonike	?

Li Province del Frize ([FY] Provinsje Fryslân ; [NL] Provincie Friesland), c' est ene province di Neyerlande, k' est al bijhe del Neyerlande.

Djeyografeye

Comenes

Les mwaissès comenes del province del Frize sont :

• Harlingen
• Heerenveen
• Leeuwarden (li mwaisse-veye)
• Sneek

Piceures

Li province del Frize, c' est ene plinne ritche gråce å drinnaedje des troufreyes al Nonne ey å Levant. Elle est sitouwêye grandmint ådzo do livea del mer. Ci province ci est rlomêye po s'-n' aclevaedje bovrin, aprume pol raece frizone agace-noere. Tot rwaitant les industreyes, les deus pus impôrtantes sont les cis del laeçreye eyet di l' electrotecnike.

Istwere

Les Frizons sont djondants des Sacsons. A l' atake di l' ere crustinne, les Frizons vikît amon les tribus djermanikes sol Mer do Nôr, etur Mouze eyet Wezer. Houte di çoula, ci payis ci esta li bance des Francs salyins.

Sacwants d' inte des Frizons s' avît metou al piratreye, pu å dalaedje maritime. Pitchote a midjote, i s' avît schåyî al Bijhe påzès Merovindjins d' Ostrazeye. Avou ça k' il avît stî mwaistrijhîs på rweyåme Franc, å 8inme sieke, ey avît dvou s' mete å crustinnisse. I colnijhît les bassès plaeces, e bastixhant leus viyaedjes so des terpenes.

Å Moyinådje, li Frize, fjhant pårt do Sint Impire Romin Djermanike, si trova cpårteye e-n ene pekêye d' Estats : li Contêye d' Olande, li Contêye di Zelande, l' Evetchî d' Utraik ey el Signeurreye di Groningen.

E 1498, l' impreu Miyin Iî loma Albiet d' Sacse, k' esta on duk, govierneu advitam del Frize. Adonpwis, ele passa dins les mwins da Tchåle di Gelre, duk eto, padvant d' rivni a Tchårlukin. E 1579, li Frize s' ava rebané dins l' Union d' Utraik eyet shuva li sôrt des Uneyes-Provinces. Pol Frize coûtchantrece, k' a divnou l' province neyerlandesse d' ouy, mwints contes l' avît yeu did la disk' e 1744. C' est tins d' ciste anêye la, k' el Prûsse li prinda. Napoleyon Bonapåre li raloya å Rweyåme d' Olande, poy al France. A l' epoke, on-z el loma li Dipårtumint di l' Emse-Coûtchantrece, djusk' e 1814 wice k' il ava stî rindou al Prûsse.