Gaston Libiestreye (binde d' imådjes)
Gaston Lagaffe, k' a stî ratourné e walon come Gaston Libiestreye[1] u eco Gaston l' flotcheu[2], ou Gaston Libratche[3], c' est on persounaedje di bindes d' imådjes ki fwait tofer des biestreyes.
C' est èn eployî d' buro del societé di binde d' imådjes «Dupuis».
Kékès dnêyes
[candjî | candjî l’ côde wiki]Li persounaedje a stî askepyî pa Franquin, des studios d' bindes d' imådjes di Mårcinele.
Les ôtes persounaedjes ki sont todi avou lu:
- Purnele, li tchîf do buro
- Mamzele Djene, k' est amoureuse di lu
- Lonbetch, li policî ki lyi fwait des procès po si oto
- De Mesmaeker, l' ome d' afwaire ki divreut siner des contrats avou l' buro d' dessén.
A pårt fé des biestreyes, Gaston, c' est èn ome k' a l' mwin a tot, grand edvinteu di «sistinmes D». Avou ça k' il est ecolo dins l' åme. Il acleve on pidjon d' mer ey on tchet ki sont tofer avou lu.
Djozé Schoovaerts a pacô dné des idêyes a Franquin po s' "Gaston". Eto des ôtes come René Valentin et Luc Jonet.
Ratournaedjes e walon
[candjî | candjî l’ côde wiki]E 2007, "Gaston" a stî ratourné e walon pol prumî côp, pa Yannick Bauthière, k' a atåvlé li no e walon. Loukîz a Gaston Libiestreye e walon.
E 2021 (a-z aveuri), èn ôte albom a stî ratourné e walon d' Lidje (Sot'rèyes, bièst'rèyes èt boulètes) ey eplaidî ås Noer Dessén. Il a stî spoujhî sol côp. Pareymint avou l' modêye namurwesse (Bratches, flotches èt bièstrîyes) et l' cene carolo (Flotches, foûrlaches èyèt boulètes), 2024.
-
rifondou (2007) -
modêye lidjwesse (2021) -
modêye namurwesse (2023) -
Modêye carolo (2024)
Sourdant
[candjî | candjî l’ côde wiki]- ↑ albom Gaston Libiestreye e walon, 2007.
- ↑ siervou catchetmint divins l' albom Flotches, biestreyes et boletes p. 25 (2024).
- ↑ dins on papî e francès rexhou avou l' modêye namurwesse (siné Alexis Seny, L'Avenir 27 d' avri 2022).