Geert Wilders

Geert Wilders, tins d' on spitch e Tchekeye, e 2019.

Geert Wilders, c' est on politikî neyerlandès k' a nexhou li 6 di setimbe 1983, a Venlo.

Cårire

Geert Wilders a comincî ès cårire politike e 1990. Disk' e 1998, il esteut aideu pårlumintaire da Frits Bolkenstein, mimbe do VVD. Geert Wilders a stî pårlumintî pol VVD disk' å moes d' setimbe 2004. Après, il a peté foû d' èç mouvmint politike la ey a askepyî li Groep Wilders, ewou çk' il esteut mierseu.

E 2006, Geert Wilders a askepyî li Partij voor de Vrijheid, wice k' il est l' seu mimbe avou ès-n' ôte mouvmint : li Groep Wilders. C' est avou li k' a wangnî les vôtaedjes pol Deujhinme Tchambe del Neyerlande di 2023.

Rilomêye

Dins les medias, Geert Wilders est rwaitî tot-z estant li varyisté neyerlandesse di Donald Trump. C' est a cåze do fwait k' il est rwaitî tot-z estant d' foite droete, k' il est conte l' islam eyet k' i n' a nén di l' afiyance timpesse so l' Union Uropeyinne.

Il est bén veyou pa des politikîs flaminds, aprume les cis do Vlaams Belang, come Tom Van Grieken. El Waloneye, c' est Chez Nous ki va bén eshonne avou lu.