Georges-Louis Bouchez
Georges-Louis Bouchez, c' est on politikî walon di droete. Il a nexhou a Framriye, li 23 d' måss 1986.
| |
| Idintité | |
| Veur no | Georges-Louis Bouchez |
| Nexhance | - 23 d' måss 1986 |
| Nåcionålité |  Bedje
|
| Cårire politike | |
| Pårti | - Mouvmint Rfômrece
- Prezidint : 9 di decimbe 2019 => Asteure |
| Beldjike | - Sinateure :
12 di djulete 2019 => 10 di djulete 2024 10 di djulete 2024 => Asteure |
| Federåcion Walonreye-Brussele | - Pårlumintî :
5 di nôvimbe 2014 => |
| Redjon Walone | - Pårlumintî :
22 d' octôbe 2014 => |
| Mont | - Scabén del Boursete : |
Biyografeye
[candjî | candjî l’ côde wiki]Cwek' il a skepyî a Framriye, Georges-Louis Bouchez a crexhou dins des comenes vijhene, Colfontinne eyet Cargnon, tot fjhant ses studes a Mont.[1]
Il a ene comere : Lucie Demaret, k' est ene conseyresse comunåle di Han-Nålene. Asteure, ele prezide li manaedjaedje di l' ONE.[2] Dispoy 2024, il ont eto on fi : Charles-Louis.[1]
Politike
[candjî | candjî l’ côde wiki]I s' dene a cnoxhe, dispu 2006, å vôtaedjes comunås, a Mont, po li MR.[1]
Il a divnou prezidint do Mouvmint Rfômrece, e 2019. Il a wangnî l' finåle conte Denis Ducarme.[3] I vout candjî l' no d' ès pårti[4], come ça a stî fwait a l' atake del dijhnêye 2020 po Vooruit eyet Les Egadjîs.
Fotbale
[candjî | candjî l’ côde wiki]Asteure, Georges-Louis Bouchez c' est l' prezidint do Royå Francs-Boréns, ene ekipe do costé d' Bossu.[5]
Rilomêye
[candjî | candjî l’ côde wiki]Ådzeu d' ses activités politikes eyet spôrtives, Georges-Louis Bouchez est cnoxhou po sey èn ome foirt ovrant dins les medias, aprume les rantoeles di soçnaedje.[1] Al tévé, ci politikî ci a pårticipé a ene tévévicance flaminde, ki rwaite l' årmêye bedje : Special Forces. Il a peté evoye après l' deujhinme paskeye po, dit-st i, « nén calindjî l' ekipe ».[6]
E 2024, Georges-Louis Bouchez a stî l' pus grand eplaideu d' messaedjes so les rantoeles di soçnaedje. Il end a rexhe 4.409 a l' anêye ; djans, 12 å djoû. C' est cåzumint l' dobe di Tom Van Grieken, k' est djusse padrî lu.[7] Todi dins s' comunicåcion, il uze calfeye on stîle populisse.[8]
Herleme
[candjî | candjî l’ côde wiki]Sorlon on limero del gazete « Moustique », rexhou å moes d' avri 2024, on-z åreut inketé so les rlåcions etur Georges-Louis Bouchez eyet les soces do trimlaedje espôrtifs. Ene ôte gazete, Le Vif, pinse voltî ki Georges-Louis Bouchez åreut dmandé al prumire di disfacer l' årtike erwaitî.[9]
Å moes d' awousse 2024, li pådje do Wikipedia francès-cåzant åreut stî rcandjeye, avou l' adierça di stitchî ci politikî cial sol divant-plan conte des liårds.[10] Li conte padri a stî bloké advitam sol cogne francès-cåzante.[11]
Tins des grandès vacances di l' anêye 2025, les medias bedjes nonnreces screynut k' ene oto uzêye på MR a rçuvou 26 calindjes, e 2024, cåze do gåraedje sins mete el cwåte pol vijhnale ubén l' ci po les andicapés.[12] Ås alintoûs do 9 d' awousse 2025, Vincent Herregat a-st eplaidî èn odio, wice ki Georges-Louis Bouchez si dismonte conte ene gaztresse tins d' on cålaedje. Metans, i shonne ki manci l' ci k' a metou l' årtike, tot clatchant k' ci-ci « pout må d' awè dandjî d' ene cwåte après ». Sacwantès sakîs sondjnut a ene cwåte po les andicapés, tins k' el prezidint do MR acsegne aveur volou cåzer d' ene cwåte di presse.[13]
Hårdêye difoûtrinne
[candjî | candjî l’ côde wiki]Referinces eyet sourdants
[candjî | candjî l’ côde wiki]- ↑ 1,0 1,1 1,2 et 1,3 https://www.levif.be/p/georges-louis-bouchez/
- ↑ https://www.rtl.be/actu/belgique/politique/lucie-demaret-la-compagne-de-georges-louis-bouchez-devient-la-presidente-du/2025-07-07/article/755735
- ↑ https://www.mr.be/election-presidentielle-au-mr-georges-louis-bouchez-elu-president/
- ↑ https://www.rtbf.be/article/le-mr-va-t-il-changer-de-nom-son-president-georges-louis-bouchez-ne-l-exclut-pas-10919864
- ↑ https://www.francsborains.be/direct-conference-de-presse-a-11h/
- ↑ https://www.moustique.be/opinions/editos/2023/05/15/georges-louis-bouchez-le-record-du-monde-du-bad-buzz-262154
- ↑ https://www.lecho.be/economie-politique/belgique/general/reseaux-sociaux-et-politiques-georges-louis-bouchez-champion-des-posts-et-le-vlaams-belang-de-la-publicite/10596867.html
- ↑ https://daardaar.be/rubriques/opinions/bouchez-mobilite-bruxelles/
- ↑ https://www.levif.be/belgique/politique/georges-louis-bouchez-a-t-il-fait-supprimer-un-article-je-jure-que-ce-nest-pas-le-cas/
- ↑ https://www.hln.be/binnenland/wat-is-er-aan-de-hand-met-wikipediapagina-van-bouchez-na-aanpassingen-prijkt-er-bovenaan-rode-waarschuwing~aac5d931/?referrer=https%3A%2F%2Fwww.google.com%2F
- ↑ https://fr.wikipedia.org/wiki/Discussion_utilisateur:Maximgilot
- ↑ https://www.rtl.be/actu/belgique/politique/le-chauffeur-de-georges-louis-bouchez-t-il-utilise-une-carte-pmr-pour-se-garer/2025-07-30/article/758304
- ↑ https://www.bruxellestoday.be/actualite/carte-pmr-audio-polemique-bouchez.html
