Gurnadî ordinaire

Èn årtike di Wikipedia.
(Redjiblé di Gurnådî ordinaire)
Disambig.svg Pol discramiaedje des årtikes avou l' mot « gurnadî », loukîz cial.
Magraner amb magranes 2013-10-11 08-24.jpg
boutaedje: rodjès foyes å boutaedje

Li gurnadî ordinaire, c' est èn åbe ki vént dins les payis del Mîtrinne Mer.

Sincieus no d' l' indje : Punica granatum.

Mins gn a des ôtes gurnadîs.

Discrijhaedje[candjî | candjî l’ côde wiki]

Il est a pô près troes a cwate a cénk metes hôt.

I pied ses foyes di l' ivier. I foye e moes d' måss, et les foyetes sont rodjes

I vént ene bele rodje fleur diviè l’ moes d’ may, ki va divni ene pitite vete tchike (moes d’ djun).

Mins bråmint des fruts ni reyussixhnut nén: i tchaiynut a cratchote.

Les rodjès petales dimeurnut on moumint al moxhe do frut.

Les frut k' adierceye divént ene grosse bole ki va mawri pol fén do moes d’ awousse, li gurnåde. Les fruts maweurs sont 7 a 20 cm lådjes.

Magnaedje[candjî | candjî l’ côde wiki]

Si on l’ côpe, gn a toplin come des ptits pepins, avou ene rodje tchå cwand i sont bén meurs. Avou des finès clôzeures inte les compartimints et des pus spesses inte les cwårtîs.

On les splitche po lzès magnî onk a onk. Ou hagnî dvins.

Cwand on li stoid, on a do djus d’ gurnåde, ki sieve a fé del gurnadene.

On pout eto stramer les grinnes po rabeazi des salådes.

Maladeyes do gurnadî[candjî | candjî l’ côde wiki]

Les gurnadîs polèt esse acsûts pa des emîleures.