Amburguer

Èn årtike di Wikipedia.
(Redjiblé di Hamburger)
Aller à la navigation Aller à la recherche

Èn amburguer[1] (eto: on hamburguer[2]) ou, pus splicanmint: on vitolet stitchî dins on pistolet, c' est èn amindjî abeye, fwait d' on rond pistolet avou do vitolet k' est stitchî dvins.

Etimolodjeyes[candjî | candjî l’ côde wiki]

Li lomaedje e walon (vitolet stitchî dins on pistolet) vént d' ene tchanson da Wiyam Dunker, ki l' cåzaedje est d' André Gauditiaubois, et ki s' lome «Condroz et Western».

Mins Godom ! èn amburguer,
Ça n' est k' on vitolet
Stitchî dins on pistolet.[3]

Li mot eternåcionå, hamburger, c' est l' no des dmorants di : Hambork, el veye almande.

Ôtès sôres[candjî | candjî l’ côde wiki]

Po candjî del mwaisse ricete, on pout radjouter eto do froumadje, des verdeures (vetès salådes u tomates) eyet del såce.

Dins les belès letes e walon[candjî | candjî l’ côde wiki]

Jean Goffart riprind l' lomaedje dins ene des noveles di «Djins d' amon nozôtes»:

On ptit distoû pa on restorant abeye abeye lyi dna l' ådjeu di mindjî on vitolet stitchî dins on pistolet avou del salåde et del såce.[4]

Sourdants[candjî | candjî l’ côde wiki]

Commons
I gn a so les cmons Wikipedia des imådjes ou fitchîs son a vey avou les ambourguers .
  1. prononcî avou naziåle «an» u nén, come noté dins FO105 (am’burguèr).
  2. Prononçaedje des Walons del Wisconsene
  3. Cåzaedje e rfondou (so l' Aberteke)
  4. p.372; ratourné et redjårbé e rfondou.