Harbouya (tchanson)
Harbouya, c' est ene viye tchanson e walon a môde di repetaedje d' on tinme. Li mwaisse tchanteu dit ene fråze et les djins ki sont-st avou lu li rprindèt tertos eshonne.
Tchantaedje
[candjî | candjî l’ côde wiki]On cmince pa :
- Harbouya k' a tant des mås. (deus côps)
- Il est malåde; (2 côps)
- I fåt k' i moure; (2 côps)
- L' medcén l' a dit. (2 côps)
Li respleu, c' est :
- A ! Pôve Harbouya, fåt i k' i moure, fåt i k' i moure !
- A ! Pôve Harbouya, fåt i k' i moure di tot çoula !
Après, on radjoute ene fråze po totes les plaeces k' il a må :
- A må ses pîs... (2 côps)
- Il est malåde; (2 côps)
- I fåt k' i moure. (2 côps)
- L' medcén l' a dit. (2 côps)
Li troejhinme coplet, on va rmonter ene miete pus hôt
- A må ses bodenes. [1] (2 côps)
- A må ses pîs... (2 côps)
- I fåt k' i moure. (2 côps)
- L' medcén l' a dit. (2 côps)
Et rmonter insi disk' ås tchveas, tot passant pazès djnos, ses coxhes (ses cwisses), a s' vinte, s' botroûle, ses rins, ses spales, ses dints, ses ouys, a s' tiesse, ses oxheas.
Esplikêyes sol tite
[candjî | candjî l’ côde wiki]On "harbouya", c' est, aprume on bwès k' on grete avou po disptoper les corotes. Gn ourit dandjreus èn ome ki vneut harbouyî po les djins, et ki loméve si fier a distoper "harbouya", on mot nén corant. Et s' fourit i spoté "Harbouya".
Rilomêye del tchanson
[candjî | candjî l’ côde wiki]C' esteut ene des tchansons rprinjhes å "Cortedje des Viyès Tchansons walones" k' a tourné a Lidje e 1930 pol cintnaire di l' Indepindance. [2]
Li tchanson esteut co bén cnoxhowe des djonnes walon-cåzants el deujhinme mitan do 20inme sieke. [3]
Si cnoxhowe ki li mot "Harbouya", come no d' djin, a volou dire : on pôve ome.[4] Adonpwis, èn ome ki fwait l' ci k' st malåde, mins ki n' a rén.[5]
Hårdêye difoûtrinne
[candjî | candjî l’ côde wiki]Sourdants
[candjî | candjî l’ côde wiki]- ↑ bodenes del djambe, u molets.
- ↑ Li pårticion cial ådzeu est saetcheye do livret di cisse fiesse la, kel prezidint do comitî esteut Lucien Limbourg.
- ↑ sapinse a J. Docquier, del Viye Såm ki l' a sovint tchanté estant roufion.
- ↑ Motî da Haust.
- ↑ Motî da Lempereur et Morayns.