Hawayiki
Hawayiki, c' est l' iye mitike ki les polinezyins î fjhèt rmonter leus oridjenes.
Li no est scrît Hawaīki, Hawaiiki, Hawai'iki, Hawaii'iki, Havai'i, Ra'iatea, ou co Kahiki dins les diferins lingaedjes des iyes do Pacifike.
L' iye polinezyinne di Hawayi (Hawai'i e hawayin) a stî inla lomêye e-n oneur di Hawayiki.
Mwaissès dnêyes
[candjî | candjî l’ côde wiki]Les ledjindes dijhèt ki les polinezyins ont-st abagué ezès iyes di l' Oceyan Pacifike avou des drovous bateas, waire candjîs eneviè les bateas tradicionels k' on trouve co enute el Polinezeye.
Dins l' tins, bråmint d' antropolodjisses dotént ki les bagaedjes racontés pa ces ledjindes årént stî des bagaedjes volontaires, et il avént ptchî d' croere ki ça sreut purade des naivieus ki s' serént pierdous, poûssîs påzès vints.
E 1947 Thor Heyerdahl naivia, avou on radea di balza, li Kon-Tiki, des coisses di l' Amerike nonnrece disk' al Polinezeye, po mostrer ki l' colnijhaedje del Polinezeye åreut polou esse fwait a pårti d' l' ouwess, tot naiviant avou les vints dominants.
Mins nerén, les rcweraedjes sol DNA mostrèt ki les polinezyins ont surmint leus oridjenes dins les iyes d' Azeye do sud-ess, dandjreus Taywan, et k' il ont naivyî viè l' Levant, siconte les vints, çou ki vout dire ki l' ebagaedje a dvou esse volou, et nén djusse èn accidint.
Li spårdaedje des lingaedjes ostronezyins, ki les lingaedjes polinezyins endè sont èn impôrtant dzo-groupe, vént rafoirci cist atuzla la.
Eyet co, des fjheus d' bateas tradicionels ont constrût des lådjes radeas po naivyî so l' oceyan, avou des materiås eyet des tecnikes come les cis eployîs a l' epoke do spårdaedje des polinezyins, eyet naivyî avou, mostrant insi k' des sfwaits bagaedjes sont ttafwaitmint possibes.
Difoûtrinnès hårdêyes
[candjî | candjî l’ côde wiki]- (en) Hawai'iki - The Ancient Land (ledjinde hawayinne, en inglès).