Herleme Jürgen Conings

Èn årtike di Wikipedia.
Aller à la navigation Aller à la recherche

Jürgen Conings, c' esteut on sodård flamind k' aveut stî l' pus ricwerou pindant les moes d' may eyet d' djun del anêye 2021. Il a nexhou li 28 di setimbe 1974 e Maaseik.[1] Il a revoyî pindant ès spetaedje-evoye.

Biyografeye[candjî | candjî l’ côde wiki]

Jürgen Conings esteut coporå pol armêye di l' air ey instruk do tir. Houte di çoula, il a toursi pol armêye dins des ôtes payis come Bosneye, Kosovo u core l' Irak.[2]

Herleme[candjî | candjî l’ côde wiki]

Råjhon[candjî | candjî l’ côde wiki]

E-n efet, il aveut eplaidî, a s' feme, ene lete d' åtreuvizom.[3] Seulmint, l' armêye s' a rindou conte k' il a prindou totplins d' åres, çki fwait k' il est foirt ricwerou. El polisse eyet l' armêye pinsnut k' Jürgen Conings s' respoune dins on bwès nén lon d' ès måjhone, e Dilsen, ene comene del province do Limbork. Al copete do mårtchî, i sereut djondant des mouvmints d' foite droete.[4] E-n efet, i sereut mimbe d' ene organizåcion d' foite droete flaminde lomeye : Vlaams Legion.[5] Sortoit k' dins l' årtike, on voet des simboles uzés voltî pa les nazisses sol oto då prezidint d' èç mouvmint flamind la.[5][6]

Di pus, il aveut mancî Marc Van Ranst (on viroloke flamind), el task force bedje conte li cronivirûsse avou l' govienmint federå.[7] Houte di çoula, il åreut mancî des bastimints d' rilidjions, come les moskêyes.[8]

Adjinçmint[candjî | candjî l’ côde wiki]

Les polisses bedje eyet neyerlandesse sont so lu, mins Interpol s' a melé eto.[1][4] Il esteut å livea 3 des mançaedje di l' OCAM ; pus pindant l' herleme, cist organizåcion a monté el livea disk' a 4.[9] Mins nerén, el Minisse federåle del Djustice, Ludivine Dedonder, n' el saveut nén.[9] Tenawete, padvant tot çoula, Jürgen Conings esteut d'dja shuvou på siervices bedjes di racsegne.[10]

Messaedje trové so les rantoeles di soçnaedje po l' sopoirter.

Politike[candjî | candjî l’ côde wiki]

Jürgen Conings esteut mimbe do Vlaams Belang disk' al fén del anêye 2020. Totfeye, i n' a nén payî po dimaner mimbe e 2021.[11] Cwand des djins avént dit çoula a Tom Van Grieken, i leu-z a dit k' i n' est nén responsåve d' ses mimbes.[12] Houte di çoula, li prezidint do Vlaams Belang a clatchî k' i n' est nén fir del herleme ki Jürgen Conings a kerlé.[13]

Revoyance[candjî | candjî l’ côde wiki]

Coreu-evoye[candjî | candjî l’ côde wiki]

Jürgen Conings a stî ritrové moirt dins li bwès d' Dilserbos, djondant l' viyaedje di Dilsen, el province do Limbork.[14] Cisse novele ci a stî acertinêye på Federå parket.[15] I shonne s' awè sucidé avou ene åre, dit-st i. Tenawete, des djins ni croeynut nén cisse teze.[16] C' est on tchesseu k' aveut discovrou l' coir då sodård. Houte di çoula, el tchesseu, come des ôtes passants eyet ciclisses, il aveut eto odé ene pufkene djondant Jürgen Conings.[17] Marc Van Ranst, el viroloke k' aveut stî håsplé pa lu so ene rantoele di soçnaedje, est solåcyî d' asprinde çoula.[18]

Marc Van Ranst eyet des politikîs ; inte di zels, Theo Francken yet Tom Van Grieken ; ont fwait brotchî foû leu-z ecoraedje a s' famile. Totfeye, el messaedje da Tom Van Grieken a stî disfacé pa Facebook.[19] Come d' efet, l' onk des poite-messaedjes d' èç eterprijhe rola a assené k' el prezidint do Vlaams Belang a stî conte el reglumint. Cist ome la a rwaitî ci disfaçaedje ci tot-z estant del cinseure.[20] I gn a des politkîs k' ont, nén seulmint brotchî foû leu-z ecoraedje a s' famile, mins ils s' ont ossu stî so s' tombe po l' adegnî : c' est l' cas da Hervé Van Laethem (prezidint do Mouvmint NATION).[21]

Do costé des sopoirteus do sôdårds, i s' ont rashonné e Dilsen-Stokkem, el dilon padri s' revoyance.[22] Come d' efet, c' est li plaece wice k' el coir a stî ritrové. Bråmint d' rindes bon dvwer ont stî riçou vinant d' ses sopoirteus.[23]

Sintince[candjî | candjî l’ côde wiki]

Sorlon el minisse del disfinse pindant cist herleme ci, Ludivine Dedonder, i gn a bråmint des djins di l' armêye k' ont stî schåyîs padri awè stî rwaitî tot-z estant riskeus pol societé.[24] D' ôtes ont rimarké k' i gn a yeu bråmint des mancmints do costé des siervices di racsegne eyet avou les rîles rwaitant li fraite ås åres. C' est çki rihante d' on rapoirt do Comité R.[25][26] On djåze d'dja k' i gn årè des candjmints dins l' årmêye bedje.[8]

Sorlon ene gazete flaminde, el adjinçmint åreut costé 847 045 €.[27]

Sourdants[candjî | candjî l’ côde wiki]

  1. 1,0 et 1,1 https://www.interpol.int/How-we-work/Notices/View-Red-Notices#2021-13279
  2. https://www.demorgen.be/nieuws/ruim-honderd-deelnemers-voor-derde-steunmars-de-laatste-stand-van-zaken-in-zaak-jurgen-conings~b7efac92/?
  3. https://www.vrt.be/vrtnws/fr/2021/05/22/l_inquietante-lettre-dadieu-de-juergen-conings/
  4. 4,0 et 4,1 https://plus.lesoir.be/373685/article/2021-05-21/chasse-lhomme-jurgen-conings-des-ramifications-lextreme-droite-qui-se-precisent
  5. 5,0 et 5,1 https://www.demorgen.be/nieuws/jurgen-conings-de-wapenbroeder-die-goed-ingeburgerd-is-in-extreemrechtse-kringen~bbbec61c/
  6. https://plus.lesoir.be/373685/article/2021-05-21/chasse-lhomme-jurgen-conings-des-ramifications-lextreme-droite-qui-se-precisent
  7. https://www.illustre.ch/magazine/en-flandres-la-folle-traque-dun-extremiste-de-droite-radicalise-par-les-theories
  8. 8,0 et 8,1 https://www.wort.lu/fr/international/polemique-a-bruxelles-l-affaire-conings-promet-une-reforme-de-l-armee-belge-60e7e05cde135b92361496d4
  9. 9,0 et 9,1 https://www.rtbf.be/info/belgique/detail_je-n-etais-pas-au-courant-que-jurgen-conings-etait-fiche-niveau-3-par-l-ocam-declare-la-ministre-ludivine-dedonder-a-la-chambre?id=10769579
  10. https://www.hln.be/binnenland/de-kruisvaarders-van-dwekh-nawsha-hoe-jurgen-conings-voor-het-eerst-op-de-radar-van-de-staatsveiligheid-kwam~a758a626/
  11. https://www.rtbf.be/info/belgique/detail_flandre-jurgen-conings-etait-encarte-au-vlaams-belang-jusqu-a-fin-2020?id=10773975
  12. https://www.standaard.be/cnt/dmf20210601_95792981
  13. https://www.hln.be/binnenland/interview-tom-van-grieken-denkt-u-echt-dat-ik-blij-ben-met-wat-jurgen-conings-heeft-gedaan~ae913375/
  14. https://www.lalibre.be/belgique/societe/le-corps-de-jurgen-conings-aurait-il-pu-etre-retrouve-plus-tot-les-services-de-securite-ont-effectue-des-recherches-dans-la-bonne-zone-60cf3894d8ad581ce1c71916
  15. https://www.lalibre.be/belgique/societe/le-corps-sans-vie-de-jurgen-conings-a-ete-retrouve-60cf25a1d8ad581ce1c626c0
  16. https://www.7sur7.be/belgique/la-tante-de-jurgen-conings-ne-croit-pas-a-un-suicide-et-evoque-un-assassinat~aa26befb/
  17. https://www.rtl.be/info/belgique/faits-divers/le-corps-du-jurgen-conings-retrouve-sans-vie-1307452.aspx
  18. https://www.levif.be/actualite/belgique/jurgen-conings-retrouve-mort-marc-van-ranst-se-dit-soulage/article-news-1439091.html
  19. https://www.lalibre.be/belgique/politique-belge/facebook-supprime-une-publication-de-soutien-a-jurgen-conings-postee-par-tom-van-grieken-le-contenu-qui-soutient-les-terroristes-n-est-pas-autorise-60d1ebeed8ad581ce1e89ca5
  20. https://twitter.com/tomvangrieken/status/1407329198000246787
  21. https://www.belgicanews.com/une-centaine-de-belges-rendent-hommage-au-soldat-jurgen-conings/
  22. https://www.lesoir.be/379477/article/2021-06-21/jurgen-conings-des-sympathisants-se-reunissent-lors-dune-veillee-dilsen-stokkem
  23. https://www.7sur7.be/faits-divers/une-centaine-de-participants-reunis-pour-un-hommage-non-autorise-a-jurgen-conings-qualifie-de-heros~acd149b1/
  24. https://www.lalibre.be/belgique/politique-belge/ludivine-dedonder-s-exprime-concernant-la-traque-de-jurgen-conings-il-y-aura-des-responsabilites-a-prendre-60e6a2057b50a6318d54a628
  25. https://www.rtbf.be/info/belgique/detail_des-erreurs-graves-ont-ete-commises-rapport-accablant-du-comite-r-sur-l-affaire-conings?id=10799221
  26. https://www.brusselstimes.com/news/belgium-all-news/176279/jurgen-conings-leopoldsburg-adiv-secret-service-belgium-dedonder-defence/
  27. https://www.gva.be/cnt/dmf20210705_96243583