Heyes (nute des Rwès)

Èn årtike di Wikipedia.
Pol discramiaedje des årtikes avou l' mot « heye », loukîz cial.

Po des linwincieusès racsegnes sol mot "heye", alez s' vey sol Wiccionaire

Les heyes c' est l' toû do viyaedje fwait, dinltins, pa des efants, li 5 di djanvî al nute. C' est l' djoû di dvant les Rwès u nute des Rwès. On djheut ki les efants alént heyî.

Dins les veyes, les efants fijhént purade li toû des botikes.

Les heyeus tchantént des tchansons, et passer dins totes les måjhons po-z aveur ene dringuele.

E sacwantès plaeces, les efants alént heyî li djoû del novelan.

Sacwantès tchansons d' heyes[candjî | candjî l’ côde wiki]

C' est ouy les heyes
I n' a pus del mizere
Fjhoz nos les wåfes
Nos serans bråves
On ptit boket d' galet
Po mete e nosse cafè
On ptit boket d' djambon
Po fé goter nosse minton.[1]
Boune anêye, Monsieu !
Boune anêye, nosse dame !
Totès sôres di bouneur !
On ptit valet
Po ctaeyî vos bwès !
Ene pitite båshele
Po laver vos schieles !
Ene pitite heye, nosse dame, s' i vs plait.[2]

Ôtès heyes[candjî | candjî l’ côde wiki]

A sacwants plaeces, les heyes si fjhént a èn ôte moumint, al novelan, pol grand feu, pol schiråde.

Istwere des heyes[candjî | candjî l’ côde wiki]

Cisse uzance la a disparexhou a Vervî diviè 1878.[3]

Alére[candjî | candjî l’ côde wiki]

Sourdants & pî-notes[candjî | candjî l’ côde wiki]

  1. ramexhné a Åyneu (ALW 3, p. 315).
  2. A. Lovinfosse & Michel Elsdorf, Dictons météorologiques et signes du temps Noir Dessén Production, 2001 ISBN 2-87351-055-2, p. 8.
  3. J. Wisimus, Motî d' Vervî p. 223 (hélî).