Hiede

Li hiede, c' esteut l' trope des biesses dåzès ptitès djins d' on viyaedje, d' ene comene, k' ene sakî, li hierdî, rashonnéve l' åmatén po les miner paxhe so les cmonès teres ("les comognes") et les raminer al nute. Li hierdî prevneut k' il aléve end aler ou rivni tot coirnant. I passéve pal hierdå ou hierdåve voye ou hierdåvoye po-z aler dins les trixhes, les cmognes, les sårts, les fagnes eyet les virêyes ki n' estént nén cultivêyes a ç' moumint la. Li plaece ki les biesses alént cwand il fjheut foirt tchôd s' loméve sovint "li prandjleu" (di "prandjire").

Li hierdaedje duréve do 1î d' may al sint Rmey (1î d' octôbe).

Si gn aveut k' des vatches dins l' hiede, li hierdî esteut on vatchî; s' i gn aveut fok des bedots, on bierdjî; s' i gn aveut k' des gades, on gadlî; s' i gn aveut k' des pourceas, on poirtchî; ou minme on tchvålî po les tchvås.

Il pleut gn awè sacwantès hiedes dins on seu viyaedje, avou tchaeke leu hierdî.

Li hierdî s' afûléve sovint dins ene pea d' gade et i poirtéve ene bezaece avou si amonucion po fé doze eures, ki c' est les mwaisses-tinants des biesses ki l' dinént. Il aveut on tchén, ou sacwantes, po l' aspaler.

Çoula s' a fwait djusk' å cminçmint des anêyes 1900.

Hårdêyes difoûtrinnes

• Di pus d' racsegnes e francès: Le troupeau communal — Le pâtre commun en Wallonie
• Di pus d' racsegnes e francès: Histoire d'autrefois - La Herde