Houwoe

houwoe a l’ inglêye d’ ene cinse a Amrene

houwoe a Eisenstadt

On houwoe (on dit eto: on houwa, on houwåd, on tchesse-rowe, on bolåd), c' est grosse pire metowe a l' inglêye d' ene måjhon, å boird d’ ene poite di gregne, po bouter evoye li rowe des tcheretes ou begnons ki tournént trop rade ou trop court, por zels èn nén dbrôler les merayes, u les poites.

End aveut les minmes sol boird des voyes di tiene po les vweteures èn nén toumer dins on ravier.

Taeyaedje

Les houwoes estént co bén taeyîs a ponte so li dzeu.

Les cis k' estént ronds å dzeu, les bolåds, les djins s' plént ashir so les bolåds po taper ene divize avou onk ou l' ôte.

Wårdaedje des bolåds

Dins les veyes, on-z a råyî bråmint des bolåds. Sacwants djins sont disconte li rsaetchaedje di ci ptit patrimoenne ci.

On bolåd par ci, ene potale par la, c' est po çoula come po totes les vizreyes, on les fote å diåle pask' on n' sait pus a cwè k' ele siervént.

Do tins del rowe Piconete, les djins s' ashidént dsu.