Imswinne

Èn årtike di Wikipedia.
Sauter à la navigation Sauter à la recherche
surfeus et bagneus dins l' baiye

Imswinne (/imswɛ̃n/)[1] (e-n amazir, ⵉⵎⵙⵡⴰⵏ, imswan Loudspeaker.svg aschoûtez lu, ralfbetijhî e francès Imessouane, Imsouane, Imswane), c' est on viyaedje di plaijhance al mer, so l' Oceyan Atlantike, e Marok, kinoxhou po les bounès wache po fé do surfigne.

Djeyografeye[candjî | candjî l' côde wiki]

Metowe so ene ponte, avou deus pladjes, ene a Bijhe, li pladje des cmeres, ene miete riskeuse. Li pladje di Nonne est metowe so ene baiye la k' les naivieus et ls surfeus s' polnut amuzer e såvrité.

Di l' ôte costé del baiye, n a l' ponte d' Igui n Tama, avou l' viyaedje do minme no.

Gn a deus voyes po-z î avni. Li prumire tot vnant d' Swira, a Bijhe, est foirt sitroete. Elle a stî basteye pa les Francès.[2] On passe pås viyaedjes di Tikikerte et d' Tililte.

L' ôte, a Nonne, li prumire tot vnant d' Agadir, est pus novele, mins tolminme nén sins risse, copurade e l' esté, cwand gn a del convoye viè Imswinne.

Economeye[candjî | candjî l' côde wiki]

Tourisse tote l' anêye, avou des surfeu d' tos les payis, assaetchî pal tcholeur di l' aiwe et l' doûceur di l' airaedje, et les belès waches.

Pitit pôrt di pexhe, rassonré pa l' etraidance djaponesse.

Viyaedjes dins l' cotoû[candjî | candjî l' côde wiki]

  • Tagant Imswan: prumî viyaedje sol hôteur, k' a dné l' no al sitåcion merrece.
  • Imi n Tildi: viyaedje djusse sol cresse padrî.
  • Igui n Tama: viyaedje a Nonne, di l' ôte costé del baiye, målåjhey a-z avinde pa on crawieus tidje.
  • Rond pont d' Iscoussiasse: kécfeye on no d' Francès tins del mambornance, ca on nel kinoxhe pus asteure. C' est ene fotche avou ene voye ki va viè l' falijhe d' Agadir Imoucha
  • Agadir Imoucha (e-n amazir): falijhes ki dischindèt sol mer; gn åreut des menes d' ôr dins l' tiene do tins des Portuguès.

Sourdant[candjî | candjî l' côde wiki]

  1. Ralfabetijhaedje walon des nos marokins ki finixhèt pa -ane / -an, paski l' prononçaedje est pus près do son /n/ ki di /an/.
  2. temonaedje del grand-mame d' èn otelî did la.