Joseph Suars

Èn årtike di Wikipedia.
Sauter à la navigation Sauter à la recherche

Wiktionary-logo.svg

Li Wiccionaire si rsieve di sacwants fråzes da "Joseph Suars" po-z enimådjî des mots k' i gn a.

Joseph Suars a skepyî a Nameur li 6 di nôvimbe e 1804, et î a morou li 9 di djun e 1885.

C' esteut on fjheu d' arimés.

C' est onk des askepieus de "Moncrabeau".

Il est rprins dins l' Antolodjeye des powetes walons namurwès.

Il esteut cwabjî di s' mestî.

Onk di ses arimés[candjî | candjî l' côde wiki]

Li cotchessî

I.
Pire, li pus bea djonne ome di nosse comene,
A l’ coine d’ on bwès,
Li cour tchagrin, mådixhant  s’-t  infortune,
Insi tchantéve :
“Comint s’ fwait i , mi  ki n’ est nin  voladje,
Comint s’ fwait i ?
Ki dj’ so todi des comeres do viyaedje,
Li cotchessî ?" (2 côps)

II.
A totes les beles ki m' volnut bén etinde
Dji drove mi cour,
Dji  fwai çki dj’ pou po lzî bén fé comprinde
Ki dj’ broûle d’ amour,
Dj’ a bea vanter leus mwins et leu coirsaedje,
Mågré çki dj’ di,
:Dji so todi des comeres do viyaedje
Li cotchessî ? (2 côps)

III.
Les ceas, vaici, ki conixhnut Mareye,
Diront come mi :
Gn a pont d’ si bele,  i  gn a pont d’  si djoleye
Dins tot l’ payis;
Dlé leye vraiymint, dji m’ pinséve bén astok
Bén  aspoyî,
Po on vårén ki n’ våt nén ene mastoke,
Ele m’ a tchessî (2 côps)

IV.
Mågré çoula, dji rpudreu do coraedje,
Si l’ vî hierdî
Mi vleut dner s' feye Djene e mariaedje
Po m’ ahessî.
Vola deus ans po l’ moens ki dj’ el cowaite,
Ça m’ fwait setchi,
Mågré mi amour, dji so co pa Djenete
Bén cotchessî (2 côps)

V.
Tot wice ki dj’ va, dj’ èl voe bén, on m’ cotchesse,
Dji n’ î tén pus;
Vla m’ pistolet, dji m’ va fé sôter l’ tiesse,
Dji vou mori.
Dji m’ va nd aler ene sawice e l’ infier
Ou e paradis,
Vey si dj’ serè come dj’ a stî dissu l’ tere
Li  cotchessî (2 côps)

VI.
Cwand dj’ serè moirt, fåt k’ on m’ etere a l’ ombe
D’ on maronî,
Et ki tot l’ monde poye vini lére so m’ tombe
Çou k' dj’ î a scrît :
Vaici dzo l’ pire, c’ est Pire k’ esteut co pire
K’ on tchén d’ bierdjî.
Ca, des båsheles, il esteut li mårtir
Et l’ cotchèssî ! (2 côps)

sol muzike da Louis-Aimé Maillart po l' operå "Gastibelza" ou "li sot d' Tolede".

Hårdêye difoûtrinne[candjî | candjî l' côde wiki]

Copeye e Feller do "Cotchessî"