L' Avni (gazete)

Èn årtike di Wikipedia.
(Redjiblé di L'Avenir du Luxembourg)
Aller à la navigation Aller à la recherche

l’avenir

Vers l’Avenir

Prezintaedje do limero do 16 d' avri 2010, på Professeur Titôrvå

L'Avenir (L' Avni)[1], divinltins Vers l'Avenir, c' est ene gazete do grope «Les Editions de l'Avenir», foirt vindowe ezès provinces di Nameur d' Lussimbork.

Gn a des edicions coinreces, po les deus provinces k' on-z a dit, mins eto, po Hu et Wareme, et tot ça.

Li gazete vûde dispu 1894 (a-z aveuri).

Ès sidje est metou a Nameur. Les buros pol province di Lussimbork sont-st a Årlon ey a Måtche.

Coirnêye e walon[candjî | candjî l’ côde wiki]

Li gazete eplaidive voltî des coirnêyes di scrijhaedjes e walon.

Nameur[candjî | candjî l’ côde wiki]

Miniauge.gifLoukîz a : «Shijhes_et_paskeyes_(coirnêye_di_gazete)»

Hu-Wareme[candjî | candjî l’ côde wiki]

Ele si loméve «Inte di nozôtes soeye-t i dit». Elle esteut scrîte pa Charly Dodet. Elle a djoké cwand ci-ci a prins s' pinsion.

Lussimbork[candjî | candjî l’ côde wiki]

Li coine do walon si loméve, ene miete hagnûlmint, «Cwand dji n' sai rén, dji m' tai» (e gåmès, «Quand dju n' sâs rin, dju m' tâs»). Elle a duré di 1975 a 1999 (a-z aveuri).

Les tecses ki parexhént la estént tchoezis påzès Relîs namurwès. Come di djusse, n aveut eto des scrijhaedjes e gåmès.

Les bokets rascovrént ene grande varyîsté d' accints do walon, dipu les cåzaedjes del Hôte Årdene disk' åzès cis di l' Årdene nonnrece tot passant pa les cis del Fåmene, ki rtirèt dedja foirt do walon do Mitan.

Sacwants scrijheus e walon s' ont-st enondé di cåze d' aveur léjhou des bokets dins cisse coirnêye la. Metans Lucyin Mahin, Emile Pècheur, Arthur Schmitz, evnd.

Lanawaire, sol difén d' 2008, elle a replaidî des contes di Noyé e walon, troes djoûs en erote, so ene pådje etire. Li gaztî responsåve esteut Philippe Carozza.

Adonpwis, e 2010, on novea persounaedje, li Professeur Titôrvå (Titorval), î intere pa l' craeye di l' ouxh.

Pî-notes[candjî | candjî l’ côde wiki]

  1. Mins sovint prononcî a môde francesse: «Ass dedja lî l’Av'nîr d' ådjourdu?».