Lao-tseu

Èn årtike di Wikipedia.
(Redjiblé di Lao-Tseu)
Lao-Tseu ki scole Confuciusse

Laozi (Lao-tseu, come transcrit e francès pa l' EFEO; e pinyin Lǎo Zi; e chinwès, 老子 çou ki vout dire "vî efant", "vî mwaisse" ou "mwaisse Lao", ou co Li Eul, oudonbén Lao Tan), c' esteut on filozofe chinwès k' åreut viké 200 ans vî, eviè l’ 6inme sieke divant Dj.-C. et acsegnî l’ djonne Confuciusse.

Sacwants rcwereus pinsèt ki l' Laozi pôreut bén n' esse k' on persounaedje edvinté pa Zhuangzi.

Les acsegnmints da Laozi ont moenné å tawoyisse, k' a divnou ene rilidjon po 20 miyons d' Chinwès.

Vicåreye[candjî | candjî l’ côde wiki]

Il esteut årtchivisse et asterloke des impreus Zhou, mins si disgosta d’ zels. Adon, il åreut peté foû erî, ashid dissu on boû, po l’ Inde. Et, å wåde-frontire, diner s’ testamint filozofike : li Dào dé jīng (道德经 ou 道德經; Live del voye eyet del viertu), k' e-st å soûrdant do dawoyisse.

Ratournaedje e walon[candjî | candjî l’ côde wiki]

Sacwants d' ses tuzêyes ont stî rmetowes e walon pa Jozé Schoovaerts


Boket do Tao-tö king[candjî | candjî l’ côde wiki]

Li Tao k’ vos sayîz d’ saizi n’ est nén l’ Tao lu-minme ;
vos l’ voloz lomer sins lyi dner s’ bon no.
Sins pont d’ no, i rprezinte l’ oridjene di l’ univiers ;
lomé, il est l’ Moman di tos les tolus.
Pa l’ non-esse, apiçans s’ sicret ;
pa l’ esse, apontians s’-n intrêye.
Nolus et tolus rexhous d’ on mierseu fond
ni sont diferins ki d’ pa leus nos.
Ci mierseu fond la s’ lome Noereur.
Noeri cisse noeristé,
vola l’ ouxh di tote merveye.

Hårdêye difoûtrinne[candjî | candjî l’ côde wiki]

Commons
Commons
I gn a so les cmons Wikipedia des imådjes ou fitchîs son a vey avou Lao-tseu .