Lapalissåde

Ene lapalissåde, c' est ene dijhêye la k' on repete ene sacwè d' ene ôte façon, d' ene manire savante.

Sacwants pinsêyes (come les cenes da Pierre Faulx), c' est des lapalissådes.

Etimolodjeye

On sôdård francès, signeur do tchestea di "La Palice" s' aveut si bén batou disk' å dierin moumint k' on djha d' lu : "Sacwants munutes divant s' moirt, i vikéve co". Did la li rprindaedje di s' no po cåzer d' ene sintince k' est claire come di l' aiwe di rotche. Et k' c' est cåzer po n' rén dire. On ratind ki l' schoûteu soreye.

Lapalissådes e walon

• esse binåjhe d' esse contin (ou : esse contin d' esse binåjhe).
• C' est l' soumey ki fait doirmi; ou : I n' a rén k' edoime come el soumey.
• ostant mori ki d' piede li veye.

Hårdêye difoûtrinne

• Mots walons avou des lapalissådes (dedja studyîs sol Wiccionaire)