Le Mineur, Charleroi

Li pondeu a djouwé avou les diferintès sôres di brun. C' est ene pondeure k' a stî fwaite avou d' l' ôle so bwès.

Le Mineur, Charleroi ([WA] Li Houyeu, Tchålerwè), c' est ene pondeure di Jules Adler. Elle a vudî e 1901.

Ovraedje

Condicion

Jules Adler a vnou å Noer Payis, e 1901. Ès-n' adierça, c' esta di discrire l' industreye a l' atake do 20inme sieke el Beldjike ey el France. Çou ki l' competa voltî, ci fourit les bouteus des hôt-forneas.

Il åreut pondou Le Mineur, Charleroi, pask' il åreut vlou mostrer l' deurté del vicåreye d' on houyeu. Il a stî dins les houyires do Noer Payis po s' inspirer. Sins conter k' il a fwait ene ôte pondeure k' erprezinte on houyeu. Asteure, on l' pout daler vir dins on muzêye francès : li muzêye Baron-Martin, ki si trouve inte Dijon eyet li Swisse.

Corwaitaedje

Come noté sol ledjinde del pondeure : ene piceure del pondeure c' est d' esse on djeu avou les sôres di brun. L' ouve mostere èn ome ki tént ene piyotche dins si droete mwin. Si djaive eyet si coir sont tournés sol hintche. Li drî-plan est purade flou.