Aller au contenu

Les aviretes da Keket (paskeyes)

Èn årtike di Wikipedia.

Lès avirètes da Kèkèt

Coviete do live.

Les aviretes da Keket (Lès avirètes da Kèkèt), c' est on live avou totès ptitès paskeyes d' on tchet d' måjhon ki s' lome Keket.

L' ouve a stî eplaideye ås edicions « Le livre en papier » e 2023.

Tchaeke avirete est enimådjeye d' on dessén da H. Lison.

Istwere[candjî | candjî l’ côde wiki]

Les spoûles avént dedja stî scrîtes sol fén des anêyes 1980. Elle avént parexhou dins ene pitite gazete do Payis d’ Tchålerwè.

Dispu don, li scrijheu end aveut radjouté sacwantes.

Persounaedjes[candjî | candjî l’ côde wiki]

A pårt Keket, totes les spoûles djåznut da Djan et Mårtene, ses mwaisses.

Divins les persounaedjes diléreces, end a onk ki rvént mo sovint. Avou ça ki c' est on ciryin k' arive avou s' volante eschiele. I s' lome Zetrobu, motoit paski l' abwesson k' i boet l' pus voltî, c' est l' ôle di machene.

Tcheriaedje des paskeyes[candjî | candjî l’ côde wiki]

A costé do tecse do raconteu, gn a toltins des paroles sicrîtes e clintcheyès letes. Å pus sovint, c' est Keket ki nos livere ses comintåres so çou ki s' passe åtoû d' lu.

Corwaitaedje[candjî | candjî l’ côde wiki]

Walon[candjî | candjî l’ côde wiki]

Li stîle et l' motlî fwaiynut do live on scrijhaedje foirt åjhey a comprinde, tantea ki les aviretes polnut esse comprinjhes pa totes sôres di lijheus, pår les cminceus. Et ossur pa les efants ki trouvront seur ces ptitès fåves la foirt amuzantes.

Li walon est l' ci d' tos les djoûs d' après Tchålerwè. Portant gn a kékes passaedjes la ki li scrijheu est on pô pus avanciveus.

Ratournaedje[candjî | candjî l’ côde wiki]

Ci live ci da Jean Goffart n' a pont d' ratournaedje e francès so les pådjes di droete. Contråvmint a Dji m' lome Meliye... u co Djins d' amon nozôtes.

Alére[candjî | candjî l’ côde wiki]

Lucien Mahin, coirnêye des noveas lives e walon, Li Rantoele l° 107, waeyén-tins 2023.