Les biesses acsûtes del pesse (fåve)

Èn årtike di Wikipedia.
Sauter à la navigation Sauter à la recherche

Les biesses acsûtes del pesse[1], c' est ene longue fåve da Lafontinne.

Tinme[candjî | candjî l’ côde wiki]

C' est l' pesse ki towe totes les biesses. Leu rwè, li Liyon les ahouke tertotes po fé on sacrifice rilidjeus å Cir k' evoye cisse rascråwe la. Ci serè li biesse k' a fwait l' pus gros petchî ki serè touwêye.

Li Liyon cmince pa s' acuzer lu-minme, d' awè magnî des bedots, et pår li bierdjî, mins passe li cratchoe ås ôtès biesses po k' ele si cfessexhe, avou.

Sabaye kî çki serè relî ?

Ratournaedje da Devivier de Streel[candjî | candjî l’ côde wiki]

L' abé Dovevî va rmete ene fele paltêye ås 64 vers del mwaisse modêye, poy ki s' fåve divént pår ene fåvirete di 268 vers. Loucans ddja li cminçmint.

On må ki fjheut setchi d' oreur,
On må ki l' Diåle, li pus grand et l' pus noer,
E fond d' l' infier a-st edvinté;
On må k' on tronne rén k' d' î pinser,
Mågré sint Rok et sinte Djenvire;
On må k' on n' endè doet måy rire
Di sogne di l' atraper
Si l' cloke di Rome vineut-st a souner;
Li Pesse, infén, li pus grand d' tos les mås
On bea djoû s' vora so les biesses.
Lumçon, halene, foyon, sori, rat et cwate-peces
Ågne et chamo, boû, vatche et tchvå,
Oûsse, mårticot, tchén, leu et rnåd
Morếnt tertos come des moxhes.
Pus nou råskignoû so ene coxhe...[2]

Sourdant[candjî | candjî l’ côde wiki]

  1. sorlon prumî ratournaedje da Tchåle Dovevî e 1844
  2. replaidî pa Maurice Piron divins La Vie Wallonne, tôme 22, n° 242, 1948, pp. 117-124.