Li Braibançone (ime)

Pårticion d' aviè 1910

Papîscrît del Braibançone e walon, da Rodjî Viroux, sipårdou a on raploû des Walons Scrijheus d' après l' Ban-Bwès

Li Braibançone, c' est l' ime nåcionå del Beldjike.

Il a stî scrît e francès. Pus tård, on-z a rfwait des modêyes oficires e neyerlandès ey en almand.

Rodjî Viroux endè fjha ene modêye e walon, mins ki n' est nén oficire.

Modêye walone

Po nosse Beldjike, nosse firté, nosse bele Patreye,

S' il est reki, ci djoû la, nos mourrans !

Li Liberté våt k' on sacrifeye si veye,

Po-z è leyî profiter nos efants !

Dins nozôtes, k' est vaici, i gn a pont d’ låtches,

So nzôtes tertos, nosse payis pout conter !

Flaminds, Walons, tchantans, tchaeke e s’ lingaedje :

Li Rwè, li Lwè et l’ Liberté !

S' i sorvénreut, come mwints côps e noste istwere,

K' on mwais vijhén nos vôreut ocuper,

Maké po d’ bon, l' fayé recourreut sins glwere

Et pus måy, i n' nos oizreut ataker !

On Bedje n' est nén fwait po esse on sclåve,

I gn a måy yeu nolu a nos domter.

Flaminds, Walons, les Bedjes sont les pus bråves,

Cezår li djheut et nos plans co tchanter :

Li Rwè, li Lwè et l’ Liberté !